Dúnıejúzilik densaýlyq saqtaý uıymynyń Qazaqstandaǵy resmı ókili Kerolaın Klarınval "Deni saý ult" ulttyq medıınalyq sammıti barysynda DDU Eýropalyq óńirlik bıýrosynyń dırektory Hans Klıýge atynan QR Densaýlyq saqtaý mınıstri Ajar Ǵınııatqa marapatty tabys etti, dep habarlaıdy «Adyrna» tilshisi.
"Búgin Qazaqstannyń densaýlyq saqtaý mınıstri Ajar Ǵınııatqa doktar Hans Klýge atynan jáne DDU Eýropalyq óńirlik bıýrosynyń jáne DDU Qazaqstandaǵy eldik ofısiniń barlyq qyzmetkerleri atynan marapatty tabystaý men úshin úlken qurmet. Qazaqstanda 19 maýsym kúni atalyp ótiletin Medıına qyzmetkerleriniń kele jatqan kúnine baılanysty, doktor Ǵınııatqa marapatyn tapsyrý erekshe tolqytarlyq. Doktor Ǵınııat, men Qazaqstandaǵy pandemııamen kúreske qosqan zor úlesińiz úshin alǵys aıtamyn jáne sizge jáne Qazaqstannyń barlyq densaýlyq saqtaý qyzmetkerlerine zor densaýlyq, amandyq tileımin, ózińizdi qorǵańyz", - dedi Kerolaın Klarınval.
