Sport jýrnalısti Aslan Qajenov jelide Qazaqstan atynan oınaıtyn hokkeıshiniń eshqandaı jeńiske qol jetkizbese de, aıyna memleketten mıllıondap aqsha alatynyn aıtyp, sport salasyn basqaratyn azamattardyń isin synǵa aldy, dep habarlaıdy "Adyrna" ulttyq portaly.
Ol bul týraly feısbýktegi paraqshasynda bylaı dep jazdy:
"Ashyǵyn aıtý kerek, bir aılyǵymyz bir aı ómir súrýge jete bermeıdi. Elordada, tipten, múmkin emes. Amal joq, qosymsha jumys izdeısiń. 4-5 jerge tirkelip, júktemeni úıip alasyń. Taǵy da jobalar shyǵyp jatsa, odan da bas tartpaısyń. Voobym kúnine 18-20 saǵat jantalasyp júresiń. 2-3 saǵat uıyqtaısyń. Únem bolsyn dep obedten de bas tartasyń. Internetti ashasyń. Baaaam! «Barys» sapyndaǵy myna jigit (Nıkıta Mıhaılıs-hokkeıshi-red.) aıyna 32 mln teńge alady degen aqparat tur. 32 MLN TG. Jylyna - 386 500 000 teńge. Biz bir depýtat 1 mln alǵanyna shamdanamyz. Mynaýyń 32 depýtattyń aqshasyn alyp júr. Al, nátıje nól. Bulardyń elge de, ultqa da, sportqa da ákelip jatqan eshteńesi joq. Bir aýyz qazaqsha sóıleı almaıdy. Qurlyqtyq Lıgada pleı-offtan ary aspaıdy. Álem chempıonatynda 7 komandanyń 6-aýynan utylady. Biraq, 32 mln jalaqy júrip jatyr".
Jýrnalıstiń aıtýynsha, bizdiń elimizde sportshylardyń barlyǵyn, ásirese, legıonerlerdi "Samuryq" kompanııasy qarjylandyrady. Al "Samuryq" ol qarjyny qaıdan alyp jatyr?!
"Prezıdent ótken joldaýynda kásipqoı sport shyǵynyn qysqartýdy tapsyrdy. Al sporttyń basy-qasyndaǵylarǵa báribir. Basyn bir ızedi de, tirlikterin jalǵastyryp júr. Saldarynan otandyq sport ishinen "irip" jatyr. Ózimizden de kiná bar. Osylar halyqtyń "moınynda" otyrǵanyn bilemiz. Úndemeımiz. Solaı bolý kerek shyǵar dep oılaımyz", — dep jazdy ol jelide.
"Adyrna" ulttyq portaly.
