Qoǵam belsendisi Sanjar Boqaev bıyl aqpan aıynda "Namys" atalatyn partııa qurǵan-dy. Belsendi Boqaev sezd ótkizip, adamdardy jınap jatyr, dep habarlaıdy "Adyrna" ulttyq portaly.
Bul týraly @janjalnewskz telegramm kanaly jazdy.
Belgili bolǵandaı, Boqaevtyń sezine 250-ge jýyq adam qatysqan. Onyń 100-i eriktiler bolyp shyqty.
"Sanjarǵa kelgen adamdardyń sany toı deńgeıine "áreń" jetti, san jaǵynan, tipti, myńdaǵan adam ońaı jınalatyn aýyl ákimderiniń ádettegi saılaýyndaǵy kórsetkishterge de jete almady", — dep jazdy kanal.
Boqaev partııa qurǵan kezde onyń partııasy ıfrlyq saıası partııa ekenin, onyń qozǵaýshy kúshi zamanaýı jáne ozyq jastar bolatynyn aıtqan.
"Partııanyń basty qundylyǵy – adam. Mıssııasy – halyq memleketin qurý. Maqsat – ádilettilik ornaıtyn, adal da ádepti adamdar basqaratyn múlde jańa Qazaqstan", — degen edi Boqaev aqpan aıynda ótkizgen baspasóz máslıhatynda.
"Adyrna" ulttyq portaly.
