«JASA KIDS» áleýmettik jobasy Petropavl qalasyndaǵy balalar úıiniń 40 tárbıelenýshisine Almatyǵa 7 kúndik saıahat uıymdastyrady, dep habarlaıdy “Adyrna” ulttyq portaly.
Memleket basshysy Qasym-Jomart Kemeluly Toqaev 2022 jyldy Balalar jyly dep jarııalaǵan bolatyn.
«Balalarǵa erekshe kóńil bólý kerek. Olardyń amandyǵy – memleketimizdiń tabysty bolashaǵynyń senimdi kepili», – dedi Prezıdent.
2022 jylǵy 20-26 maýsym aralyǵynda «Soıýz Jasa» qoǵamyq qory Petropavl qalasynan 40 jetim balaǵa Almatyǵa alǵashqy saıahatyn uıymdastyrady.
Jobanyń maqsaty – óskeleń urpaqtyń boıyna otansúıgishtik qasıetterdi sińirý, týǵan tabıǵatyn tanyp bilýge jáne qorǵaýǵa, qoǵam ıgiligi úshin eńbek etýge yntalantyryp, el birligin nyǵaıtýǵa umtylý.
Jobanyń negizgi qarjylandyrýy meenattar - Aserbekov Omar, Vladıslav Zapletın, Lýkıanchýk Denıstiń kómegimen júzege asyrylady.
7 kún ishinde balalar murajaılarǵa, ulttyq saıabaqtarǵa barady, bilim berý baǵdarlamalaryna qatysady, baǵdarlamalaý boıynsha semınarlarǵa qatysady, tabysty jáne tanymal adamdarmen kezdesedi. Jobaǵa tanymal blogerler men TikToker-ler qatysady.
Bul jobany turaqty túrde júzege asyrý josparlanyp otyr jáne Qazaqstandaǵy balalar úıi ınstıtýtyn kezeń-kezeńimen joıýdy kózdeıdi.
”Adyrna” ulttyq portaly
