Elektrondy qujat pen túpnusqanyń kúshin teńestiretin zań jobasyna sáıkes, elektrondy ıfrly qoltańbamen kýálandyrylǵan elektrondy formadaǵy aqparat qaǵaz túrindegi qujatpen teń qoldanylatyn elektrondy qujat retinde tanylady, dep habarlaıdy "Adyrna" ulttyq portaly "Kolesa"-ǵa silteme jasap.
Azamattyq kodekste kórsetilgendeı, jeke jáne zańdy tulǵalar ıfrly qujat qyzmeti arqyly elektrondy qujatty memlekettik organdarǵa usynsa bolady.
"Zań kúshine engennen keıin Qazaqstan azamatynyń jeke basyn rastaý úshin kýáliktiń elektrondy kóshirmesin kórsetý jetkilikti bolady. Qazir olar eGov-ta ǵana emes, ekinshi deńgeıli bankterdiń mobıldi qosymshasynda da bar. Mysaly, Kaspi bank qosymshasyndaǵy memlekettik qyzmet bóliminde jeke kýálik, júrgizýshi kýáligi jáne tehnıkalyq tólqujattyń elektrondy nusqasy qoljetimdi", - delingen habarlamada.
Osylaısha zań jobasyna Prezıdent qol qoısa, elimizde júrgizýshiler kýálikteri men tehnıkalyq tólqujatty alyp júrmeýge bolady.
"Adyrna" ulttyq portaly
