Ulttyq quryltaıdyń múshesi, fızıka-matematıka ǵylymdarynyń doktory, QR Ulttyq ǵylym akademııasynyń akademıgi Asqar Jumadildaev "Nege.kz"-ke bergen suhbatynda Jańa Qazaqstan jáne Ulttyq quryltaı týraly pikirin aıtty, dep habarlaıdy "Adyrna" ulttyq portaly.
"Men úshin Jańa Qazaqstan degen uǵym úsh nárseden turady. Birinshi, sóz ben istiń jaqyndyǵy. Ekinshi – ádilettilik. Úshinshi – jalqy umtylys. Osy úsheýi oryndalsa, tóbedegi keledi. Oryndalmasa, myljyń el bolyp qalamyz.
Mine, osy úsheýin alyp qaraǵanda, prezıdent Toqaevtyń isi durys baǵytta kele jatyr. Shynymdy aıtsam, bul kisige ishki sımpatııam bar. Sondyqtan da bul usynysty qabyldadym. Árıne, mundaı áńgimeler buryn da bolǵan. Ulttyq keńes degen boldy. Jalpy, men aıtatynymdy aıtyp júrmin. Prezıdent pikirimdi qabyl aldy. Ózim kóp emes, ǵylym-bilim, qoǵam, til jóninde úsh-tórt kólemdi maqala jazdym. Sony oqyǵan eki-úsh-aq adam bar. Sonyń biri – Qasym-Jomart Toqaev. Men ony anyq kórdim", — dedi ol.
Sondaı-aq ǵalym Prezıdenttiń adamdy tyńdaı biletinin jáne odan qorytyndy jasaı biletinin, qazir Memleket basshysynyń bastamasymen ǵylym-bilimge erekshe kóńil aýdarylyp jatqandyǵyn aıtty. Akademık ǵylym jáne bilim mınıstrliginiń ekige bólingenine de pikir bildirdi.
"Mınıstrliktiń bólingenine kelsem, jańa mınıstrlikte sonshalyqty alyp bara jatqan jumys joq. Onyń paıdasyn qazir kórip turǵam joq. Biraq jas jigittiń isine qarap kóreıik", —dedi ol.
"Adyrna" ulttyq portaly
