Búgin Úkimettiń kezekti otyrysynda elimizdiń bıylǵy qańtar-mamyr aılaryndaǵy áleýmettik-ekonomıkalyq damýynyń qorytyndysy jáne respýblıkalyq bıýdjettiń oryndalýy qaraldy. Jıynda Syr óńiri áleýmettik-ekonomıkalyq damýdyń negizgi kórsetkishteri boıynsha úzdik úshtikke engeni aıtyldy.
QR Ulttyq ekonomıka, Qarjy mınıstrleri men QR Ulttyq bankiniń tóraǵasy baıandama jasady.
Baıandama barysynda óńirlerdiń jumysyna taldaý jasaǵan QR Ulttyq ekonomıka mınıstri Álibek Qýantyrov óńdeý ónerkásibin damytý, aýyl sharýashylyǵy, qurylys, turǵyn úıdi paıdalanýǵa berý, saýda, kólik ınfraqurylymyn damytý jáne jeke ınvestıııalar tartý boıynsha aımaqtardyń jumysyn saralap, Qyzylorda oblysyn 5 aı qorytyndysy boıynsha áleýmettik-ekonomıkalyq damýdyń negizgi 7 kórsetkishi boıynsha oń nátıjege qol jetkizgen úzdik óńirler arasynda 3-shi orynda ornalasqanyn aıtty. Sondaı-aq, turǵyn úıdi paıdalanýǵa berý boıynsha óńirimiz Shymkent qalasy men Túrkistan oblysynan keıin Aqmola oblysymen birge úzdik úshtikti qurap otyr.
Premer-Mınıstr ekonomıkanyń naqty sektorynyń qarqyndy damýyna óńdeý ónerkásibi aıtarlyqtaı úles qosatynyn jetkizip, jaýapty memlekettik organdar men óńirlerdiń ákimderine osy jumys qarqynyn saqtaýdy tapsyrdy. Ol úshin ekonomıkany ártaraptandyrý, ınvestıııalar tartý jáne jańa jumys oryndaryn qurýdy jalǵastyrý qajet.
Úkimet jıynynan keıin oblys ákimi Nurlybek Nálibaev qala, aýdan ákimderi men jaýapty sala basshylaryna negizgi kórsetkishterdegi túsimderdi tómendetpeý jáne bıýdjet qarajatyn ýaqytyly ıgerý, ınvestıııalyq jobalardy kóbeıtý qajet ekenin alǵa tartyp, jumys qarqynyn tómendetpeı, mejelengen kórsetkishterge qol jetkizýdi tapsyrdy.
