Belgili ánshi Tolqyn Zabırova jol apatyna tústi. Bul týraly óner ıesi Instagram jelisinde jazdy, dep habarlaıdy «Adyrna» tilshisi.
«Alla saqtaǵan. Aldaryna kishkentaı balalaryn otyrǵyzyp, mashına júrgizip kele jatqan ata-analarǵa ne bolmasa uıaly telefonyna úńilip qarap, bar janyn berip, shuqyp jatatyndarǵa tańǵalamyn. Bul ne? Jaýapkershilik qaıda? Ózińdi oılamasań, aınaladaǵy adamdardy oılaý kerek emes pe? Osyndaı bireýdiń alańǵasyrlyǵynan men jol apatyna ushyradym. Bizdiń mashınany soqqan jas bala. Men bir mezgil esimnen tanyp, bolǵan jaǵdaıdy túsinbeppin. Ol telefonyna qarap otyryp, tormozdy basýdy umytyp, bizdiń kólikke kelip soqqan kezde ǵana biraq toqtapty. Densaýlyǵyma zaqym keldi, birtalaı konertterden qaldym (otbasymnyń jaǵdaıyn sanamaǵanda). Endi jas bala dep ony keshire salýym kerek pe, joq pa? Sabaq bolsyn dep jazalaýym kerek pa? Alla bergen ómirdi úzip jiberýdiń eshkimniń qaqysy joq! Sony umytpaý kerek! Biz asyqqanmen, Alla asyqpaıdy! Árıne, buǵan eshqandaı zań shyǵara almaısyń. Ol zań ár adamnyń sanasynda bolý kerek! Bir-birimizge janashyr, meıirimdi, jaýapty bolaıyq. Amandyqqa ne jetsin, aǵaıyn! Ómir súrý qandaı tamasha»,— dedi ol.
