Energetıka mınıstri Bolat Aqsholaqov arnaıy brıfıngte Almaty oblysy Úlken aýyly mańyndaǵy Balqash kóline jaqyn jerden AES salý qanshalyqty qaýipsiz ekenin aıtty, dep habarlaıdy "Adyrna" ulttyq portaly "Zakon.kz"-ke silteme jasap.
Mınıstrdiń aıtýynsha, Qazaqstannyń barlyq óńirinde seısmıkalyq qaýip bar. Bul málimetter 2006 jyly alynǵan.
"Tipti, taýy joq óńirlerdi alalyq, mysaly, Batys Qazaqstanda tehnogendik seısmıkalyq qaýip bar, óıtkeni munda munaı men gaz óndirisi júrip jatyr, sondaı-aq ol arada tektonıkalyq plıtalar bar. Olardyń qozǵalyp ketý múmkindigin eshkim joqqa shyǵara almaıdy. AES-tyń ornalasý ornyn tańdaý kezinde klımat, sýdyń bolýy eskeriledi. Osynyń barlyǵyn qorytyndylaı kele, biz bolashaqta atom elektr stanııasyn ornalasýyna Balqash kóliniń aýdany neǵurlym ońtaıly bolyp tabylady dep eseptedik", — deıdi Bolat Aqsholaqov.
"Adyrna" ulttyq portaly
