Sot Aqtaý qalasynyń ákimine aıyppul saldy

3872
Adyrna.kz Telegram
Foto: ashyq derekkóz
Foto: ashyq derekkóz

Aqtaý qalasynyń ákimi Nurdáýlet Qılybaı sotta jeńildi. Onyń ústinen kásipker shaǵymdanǵan,  dep habarlaıdy "Adyrna" ulttyq portaly "Lada.kz"-ke silteme jasap. 

Bul týraly Mańǵystaý oblystyq soty málimdedi. Belgili bolǵandaı, sheneýnikter kásipkerge jer telimin jalǵa berý merzimin uzartýdan zańsyz bas tartqan. Sot sheshimimen Aqtaý qalasynyń ákimine 153 000 teńge aıyppul salyndy.

Barlyǵy kásipkerdiń Aqtaý qalasynyń ákimi men Aqtaý qalalyq jer qatynastary, sáýlet jáne qala qurylysy bólimin sotqa berýinen bastaldy. Sot sheneýnikterdiń zańsyz áreket jasaǵanyn anyqtap, olarǵa jer telimin jalǵa berý merzimin uzartý máselesi boıynsha bir aı merzimde talapkerdiń paıdasyna tıimdi ákimshilik akt qabyldaýdly tapsyrdy.

Alaıda  osy ýaqytqa deıin sot sheshimi oryndalmaǵan, jetkilikti ýaqyt ótse de  qala ákimi qolaıly ákimshilik akti qabyldaýǵa eshqandaı shara qoldanbaǵan. Ákimshilik kodekstiń talaptaryna sáıkes sot sheshimderin oryndaý sottyń baqylaýynda jáne olardy oryndaýdan jaltarý 50 AEK mólsherinde aqshalaı óndirip alýǵa ákep soǵady.

Nátıjesinde sot Aqtaý qalasynyń  ákimine qatysty 50 AEK mólsherinde, ıaǵnı 153 150 teńge aqshalaı óndirip alý sharasyn qabyldady. Sondaı-aq, atalǵan sot sheshimin oryndaýǵa qosymsha 10 jumys kún ýaqyt berilgen.

Ákim aqshalaı óndirip alýdy 5 kún ishinde tóleýi jáne sot sheshimin 10 kún ishinde oryndaýy kerek, áıtpese aqshalaı óndirip alý 10 AEK-ke ulǵaıtylǵan mólsherde qaıta qoldanylatyn bolady. Sondaı-aq, zańnamalyq aktilerde adamdy sot aktisin oryndamaǵany úshin jaýapkershilikke tartý kózdelgen.

 

"Adyrna" ulttyq portaly

Pikirler