Stýdentter máıithanadaǵy adam múrdelerimen oınap, ony uıaly telefonǵa túsirip, áleýmettik jelide jarııalaǵan, dep habarlaıdy "Adyrna" ulttyq portaly "Astana" telearnasyna silteme jasap.
Aq halat kıgen jastar sýda jatqan máıitterdiń de qolynan ustap, ony jelige júktepti. Áleýmettik jelide jyldam taraǵan beınejazba qyzý talqyǵa tústi. Kópshiliktiń ashýyn týdyrdy. Onda paraqsha ıesi máıitterdiń dene múshelerin de jeke-jeke kórsetken.
Jeli qoldanýshylary paraqsha ıesi Almatydaǵy tanymal medıınalyq ýnıversıtette oqıtynyn jazǵan. Joǵarǵy oqý orny jazba ıesin taýyp, mán-jaıdy anyqtaýǵa kóshipti.
Psıholog haıp úshin mundaı qadamǵa barǵandardyń aýytqýy bar dep esepteıdi. Ol jelige jelikkenderdi jazalaý qajet dep otyr.
«Birinshiden bul jerde otbasylyq tárbıege baılanysty. Máıitpen oınaǵan adam ol – tasjúrek. Júreginde ımany joq. Oıynyń bári haıp, tık-tok. Psıhologııasynyń aýytqýy bar adam. Tık-tokqa zań qoıý kerek qoı. Osyndaı qorqynyshty máıitti, osyndaı sýǵa sekirýge bolmaıdy degen zańdy qaǵıdalardy qoısa, jastar oǵan deıin barmaıdy», - deıdi psıholog Aıgúl Qaramanova.
"Adyrna" ulttyq portaly
