QR Indýstrııa jáne ınfraqurylymdyq damý mınıstri Qaıyrbek Óskenbaev jeńildetilgen avtonesıe alýǵa 20 myńnan astam ótinish túskenin, 9 885 ótinim maquldanǵanyn aıtty dep habarlaıdy "Adyrna" ulttyq portaly.
"Bul shamamen 73 mlrd teńge. Ázirge rezervte 27 mıllıard teńge bar. 3 myńǵa jýyq avtokólik shyǵaryldy. Eń durysy, bul 100 mıllıard berilse, mindetti túrde 100 mıllıard emes, bir-eki aıdan keıin, olar tóleı bastaǵanda, revolverlik tártippen sol bankiler aqshany basqa adamdarǵa nesıe berýge qoldanady",-dedi ol.
Aldaǵy ýaqytta jeńildetilgen avtonesıege qosymsha aqsha bóliný-bólinbeýine qatysty saýalǵa jaýap bergen mınıstr ázirge osy qarajat qana qarastyrylǵanyn, biraq bul baǵdarlama halyq arasynda suranysqa ıe ekenin aıtty.
"100 mlrd teńge aıyna 85 myńnan: 15-16 myń adam aıyna 85 myń teńgeden tóleıdi. Aıyna qansha aqsha jınalatynyn esepteı berińiz. Bul tek matematıkalyq esep", - dedi Qaıyrbek Óskenbaev.
"Adyrna" ulttyq portaly.
