Almatydaǵy balmuzdaq jáne sút ónimderin shyǵaratyn zaýytta ammıak tógilip, jumysshylar ýlanyp qaldy. 5 adam dereý aýrýhana jetkizilgen olardyń ómiri úshin dárigerler kúresip jatyr, dep habarlaıdy "Adyrna" ulttyq portaly "Astana" arnasyna silteme jasap.
Aq halattylar 26, 46 jáne 38 jastaǵy úsh naýqastyń hálin aýyr dep baǵalaýda. Úsheýi de jansaqtaý bólimine jatyr.
"Bes naýqastyń bireýi staıonarlyq emnen bas tartty. Jaǵdaıy turaqty bolýyna baılanysty. Tórt naýqastyń úsheýi qazirgi tańda reanımaııa bólimshesinde em alyp jatyr. Jaǵdaılary aýyr. Turaqty. Qalǵan bir naýqas taksıkıologııa bóliminde em qabyldap jatyr. Jaǵdaıy ortasha qalypty", -dedi Almaty qalasy jedel kómek kórsetý aýrýhanasynyń bólim meńgerýshisi Baýyrjan Omarov.
Oqys jaǵdaı balmuzdaqty býyp-túıý kezinde bolǵan. Tehnıkalyq aqaý shyǵyp, 500 gramm ammıak tógilgen. Sol sátte ishte 60-qa jýyq jumysshy bolǵan. Barlyǵy der kezinde syrtqa shyǵyp úlgergen. Biraq 5 qyzmetkerdiń jaǵdaıy nasharlapty.
Zaýyt basshylary qazir oqys jaǵdaıdyń sebep-saldaryn anyqtaýǵa kirisken. Ári olar zardap shekken jumysshylaryna 500 myń teńgeniń kóleminde ótemaqy tólemek.
"Aldyn-ala qorytyndy boıynsha muzdatqysh elındrdiń rezınkalyq tyǵyzdaǵyshyndaǵy ahaýynan osyndaı jaǵdaı bolyp otyr. Quzyrly memlekettik organdardyń tekserýine kómektesýge daıynbyz jáne búkil aýysymdaǵy qyzmetkerlerdi osy oqıǵa bolǵan kezdegi tolyǵymen medıınalyq tekserýden ótkiziledi. Keshegi aýysymda daıyndalǵan ónimderdi satylymnan qaıtarylady", - deıdi kompanııanyń qoǵammen baılanys bólimi jetekshisi Beıbit Qurmanbaev.
"Adyrna" ulttyq portaly
