Fýtboldan Reseı quramasynyń oıynshysy Nadejda Karpova Ýkraınadaǵy soǵysqa qarsy sóılep, Vladımır Pýtın men Reseı propagandasyn aıyptady, dep habarlaıdy "Adyrna" ulttyq portaly.
"Azattyqtyń" jazýynsha, Ispanııada turyp, "Espanol" (Barselona) klýbynda oınaıtyn Nadejda Karpova Bı-bı-sıge bergen suhbatynda"soǵysty kórip otyryp, únsiz qala almaıtynyn" aıtqan.
Reseı quramasynda 24 match oınaǵan 27 jastaǵy fýtbolshynyń sózinshe, "Pýtın soǵys bastap, reseılikterdiń bolashaǵyn urlaǵan".
"Munyń bári Reseı azamattarynyń únsiz kelisiminiń arqasynda júzege asty, biraq men orys bolǵanym úshin uıalmaımyn, Reseı degenimiz eldiń úkimeti, ne bolmasa Vladımır Pýtın emes"- deıdi ol.
Ol Reseı propagandasyn shovınızm dertine shaldyqqan dep aıyptap, propagandaǵa senetinderdi "kepilde otyrǵandar" dep atady.
Karpova Reseıdegi qarsylyq akııalaryna qatysqanyn, biraq onysy bılikke yqpal etýge jetkiliksiz bolǵanyn aıtty. Ol "soǵysqa qarsylyǵyn ashyq bildiretin sportshylar kóp uzamaı kóbeıe túsetinin, alaıda Reseıde turǵannan góri Ispanııada turyp, soǵys týraly oı-pikir aıtý jeńilirek" dep sanaıtynyn aıtqan.
Bı-bı-sı habaryna qaraǵanda, buǵan deıin "Dınamo" fýtbolshysy Fıodor Smolov pen "Spartak" oıynshysy Aleksandr Sobolev sekildi eki belgili sportshy ǵana soǵysqa qarsylyǵyn bildirgen. Olar pikirin Reseı áskeri Ýkraınaǵa basyp kirgen kúni aıtyp, keıin únsiz qalǵan.
Reseı kásipqoı sportshylarynyń kópshiligi Ýkraınadaǵy soǵys týraly aıtpaýǵa tyrysady, keıbiri Pýtın saıasatyn ashyq qoldaıdy. Reseı Ýkraınaǵa basyp kirgen soń halyqaralyq sport federaııalarynyń kópshiligi, arasynda FIFA da bar, Reseı sportshylaryn halyqaralyq jarystardan shettetken.
"Adyrna" ulttyq portaly.
