Nur-Sultanda Halyqqa qyzmet kórsetý boıynsha mamandandyrylǵan №2 mekeme qyzmetkerlerine jáne ózge de tulǵalarǵa qatysty sotqa deıingi tergeý bastaldy, dep habarlaıdy «Adyrna» tilshisi.
«Nur-Sultan qalasy boıynsha Sybaılas jemqorlyqqa qarsy qyzmet is júzinde emtıhan tapsyrýsyz júrgizýshi kýálikterin bergeni úshin zańsyz júıeli negizde syıaqy alý jáne avtokólikterdi tirkeý esebine zańsyz qoıý faktisi boıynsha avtokólik ıelerine arnalǵan Halyqqa qyzmet kórsetý boıynsha mamandandyrylǵan №2 mekeme qyzmetkerlerine jáne ózge de tulǵalarǵa qatysty sotqa deıingi tergeýdi bastady.
Qazirgi ýaqytta qylmystyq is boıynsha birqatar shuǵyl tergeý amaldary júrgizilýde.
QR QPK 201-babyna sáıkes tergeý múddesindegi ózge aqparat jarııa etýge jatpaıdy»,– delingen habarlamada.
