Almatyda äskeri qyzmetkerler egde jastaǧy er adamdy örtten qūtqardy. Būl turaly qorǧanys ministrlıgınıŋ baspasöz qyzmetı mälımdedı, dep habarlaidy “Adyrna” ūlttyq portaly.
Jöndeu bazasynyŋ äskeri qyzmetşılerı Abylaihan Omarov pen Talǧat Äbjanov aulasynda avtokölık jöndep jatqan edı. Körşı köşedegı tütındı körıp, kömek sūrap aiqailaǧan dauysty estıgen bette olar ört ornyna dereu jügırıp jetken.
Qalyŋ qara tütın jeke üidıŋ aulasynda ornalasqan ǧimarattan şyǧyp jatyr eken. Abylaihan men Talǧat dualdan sekırıp tüsıp, janyp jatqan ǧimarattan bır qart adamdy alyp şyqty. Äskeri qyzmetşıler zardap şeguşıge alǧaşqy kömek körsetıp, medisinalyq jäne ört söndıru brigadalaryn şaqyrdy.
Ört japsarlas qūrylystan tūrǧyn üige köşuı mümkın dep qauıptengen efreitorlar Omarov pen Äbjanov örttı söndıre bastady. Olarǧa TJD qyzmetkerlerı kömekke keldı.
Zardap şekken azamat L., 1963 jyly tuǧan. Ol üş därejelı küiık alyp, №4 qalalyq klinikalyq auruhanaǧa jetkızıldı.
"Bızdıŋ ornymyzda kım bolsa da osylai ısteitın edı. Medisinalyq daiyndyq sabaqtarynda bızdı ört kezınde zardap şekkenderge alǧaşqy kömek körsetuge üiretedı. Bıraq bız alǧan bılımımız ömırde kädege jaraiddy dep eşqaşan oilamappyz", - deidı olar.
Ört söndırude jäne adamdy qūtqaru kezınde körsetken erlıgı üşın Qorǧanys ministrı general-polkovnik Ruslan Jaqsylyqovtyŋ būiryǧymen äskeri qyzmetşıler "El qorǧany" vedomstvolyq medalımen marapattaldy.
”Adyrna” ūlttyq portaly
Ūqsas jaŋalyqtar
