Mańǵystaý oblysynyń Aýyl sharýashylyǵy basqarmasy bastyǵynyń orynbasary para aldy dep aıyptaldy. Ol aqshaǵa sharýa qojalyqtaryna kún panelderin ornatýǵa sýbsıdııa alýǵa kómektesýge ýáde etken, dep habarlaıdy «Adyrna» ulttyq portaly.
"Lada" basylymynyń jazýynsha, sheneýnik 2019-2020 jyldar aralyǵynda jalpy somasy 705 myń teńge kóleminde para alǵan.Qylmystyq istiń ekinshi fıgýranty memleketten sýbsıdııa alý maqsatynda qoldau portalyna jalǵan sharttar engizip, satyp alynǵan taýarlardyń naqty qunynan baǵany joǵarylatyp kórsetken. Memleketke keltirilgen materıaldyq shyǵyn 6 mln 903 myń 275 teńgeni qurady.
Sot úkimimen óńirlik aýyl sharýashylyǵy basqarmasy bastyǵynyń orynbasary kináli dep tanyldy. Oǵan alǵan paranyń 40 eselengen kóleminde, ıaǵnı múlki tárkilenip, belgili bir laýazymdardy atqarý nemese belgili bir qyzmetpen aınalysý quqyǵynan ómir boıyna aıyra otyryp, 28 mln 200 myń teńge mólsherinde aıyppul salyndy.
Onyń seriktesine úsh jylǵa shartty merzim berilip, probaııalyq baqylaý ornatyldy.
Taǵy eki sottalýshy 367-baptyń 2-bóligi "Laýazymdy adamǵa aıtarlyqtaı mólsherde para berý" boıynsha jazaǵa tartyldy. Olarǵa para somasynyń 20 eselengen mólsherinde aıyppul salynýy múmkin.
«Adyrna» ulttyq portaly.
