Senat depýtaty Nurtóre Júsip jaqynda "Irına Qaıratovna" tobymen bolǵan janjalǵa qatysty pikir bildirdi. Senator Qazaqstanda memlekettik rámizderdi qorlaǵany úshin jazany qataıtyp, óner adamdarynyń repertýaryna enzýra qoıý kerek dep sanaıdy, dep habarlaıdy "Adyrna" ulttyq portaly.
"orda.kz" saıtynyń jazýynsha, senator ádepsiz sózder aıtyp, jurtshylyqty syılamaǵan, esirtki men ishimdik ishken ánshilerdi bes jylǵa deıin sahnaǵa shyǵarmaýdy usyndy.
— Mádenıet mınıstrligi janynan repertýar alqasy men respýblıkalyq, oblystyq kórkemdik keńester qurý kerek. Buqaralyq mádenı sharalardy ótkizý talabyna halyqtyń salt-dástúri men ádet-ǵurpyn saqtaý jáne qurmetteý erejelerin engizýdi, osy talaptardy buzǵan shyǵarmashylyq uıymdardyń qyzmetin bes jylǵa shekteýdi talap etemiz. Depýtattyq saýalǵa jazbasha jaýap berýińizdi suraımyz, - dedi Nurtóre Júsip Premer-Mınıstr Álıhan Smaıylovqa ótinish bildirip.
Sondaı-aq, ol "Mádenıet týraly" Zańǵa jekelegen shyǵarmashylyq ókilderiniń mádenı-kópshilik sharalaryn uıymdastyrýshynyń halyq aldyndaǵy jaýapkershiligin qamtamasyz etetin baptardy engizýdi usyndy.
Eske sala keteıik, Týdy qorlaǵan mýzykanttar ózderiniń qylyqtary úshin keshirim surap, aıyppul tólegen bolatyn.
