Shymkentte Balalar kúni aıasynda túrli is-sharalar uıymdastyryldy. Bes júz oqýshy Ál-Farabı alańyndaǵy alleıada asfaltke sýret saldy. Al qolónermen aınalysatyn oqýshylar kórme ótkizdi.
Shymkent qalasynyń ákimi Murat Áıtenov balalardyń shyǵarmashylyǵymen tanysyp, respýblıkalyq, halyqaralyq baıqaýlar men olımpıada jeńimpazdaryn quttyqtady. Sondaı-aq «Barlyǵy balalar úshin» taqyrybynda bala daǵdysyn, shyǵarmashylyǵyn damytýǵa baǵyttalǵan ádistemelik kórme uıymdastyrylyp, onda balalardy damytý baǵdarlamalary tanystyryldy.
— Balalardy búgingi erekshe mereke, 1 maýsym – Halyqaralyq balalardy qorǵaý kúnimen shyn júrekten quttyqtaımyn! Memleket basshysy Qasym-Jomart Kemeluly 2022 jyldy Balalar jyly dep jarııalady. Bıyl Shymkentte osy maqsatta 84 tarmaqtan turatyn arnaıy is-sharalar jospary bekitildi. Bıyldan bastap Shymkentte bastaýysh synypta oqıtyn barlyq oqýshy bir rettik tegin ystyq tamaqpen qamtyldy. Balalardyń bos ýaqytyn tıimdi uıymdastyrýda jan basyna qarjylandyrý júıesi engizilip, balalarymyz tegin úıirmeler men sporttyq sekııalarǵa qatysyp júr. 2021-2022 oqý jylynda qalamyzdyń 500-den astam oqýshysy respýblıkalyq, halyqaralyq deńgeıdegi túrli saıystarda top jardy. Bul biz úshin maqtanysh. Bul – eń aldymen ulaǵatty ustazdardyń eren eńbeginiń jemisi. Sondaı-aq, oqýshylardyń damylsyz bilim alyp, oqyp-úırenýge jumsaǵan altyn ýaqytynyń qaıtarymy dep bilemin, - dedi qala ákimi Murat Dúısenbekuly.
Jıyn barysynda halyqaralyq, respýblıkalyq pán olımpıadasynyń jáne óner baıqaýlarynyń jeńimpazdary marapattalyp, olarǵa jazǵy saýyqtyrý lagerlerine joldama berildi. Saltanatty shara konertke ulasyp, balabaqsha búldirshinderi men mektep oqýshylary ónerlerin pash etti. Konertti QR eńbek sińirgen qaıratkeri Maıra Muhamedqyzy bastaǵan qalalyq opera jáne balet teatrynyń solısteri qorytyndylady.
"Adyrna" ulttyq portaly
