Shymkentte oqýshylar arasynda ótken SHYMKENT JASTAR LIGASY máresine jetti, dep habarlaıdy "Adyrna" ulttyq portaly.
Bul týraly feısbýk paraqshasynda qala ákiminiń birinshi orynbasary Shyńǵys Muqan jazdy.
Onyń aıtýynsha, SHYMKENT JASTAR LIGASY qala ákimi Murat Áıtenovtiń bastamasymen osymen ekinshi jyl qatarynan sporttyń tórt túrinen - shahmat, voleıbol, basketbol, fýtboldan ótip jatyr.
Oqýshylar jyl boıy mektep aralyq oıyndarǵa qatysyp, toptyq kezeńge joldama alady. Mamyr aıynda fınaldyq oıyndar ótedi. Ótken jyly qazan aıynda bastalǵan SHYMKENT JASTAR LIGASY Halyqaralyq balalar kúninde óz máresine jetti.
Qajymuqan Muńaıtpasuly atyndaǵy ortalyq stadıonda fýtboldan fınaldyq kezdesý ótti. Abaı atyndaǵy daryndy balalarǵa arnalǵan №90 mamandandyrylǵan mektep-lıeıi men Ybyraı Altynsarın atyndaǵy №65 mektep-gımanzııasynyń oqýshylarynan quralǵan komandalar kezdesti. Tartysty ótken oıynda 3-1 esebimen №65 mekteptiń oqýshylary jeńiske jetip, Shymkent jastar lıgasynyń chempıony atandy.
Oıynnan keıin Shymkent jastar lıgasynyń saltanatty jabylý rásimi ótti. Onda Shymkent qalasynyń ákimi Murat Áıtenov sóz sóılep, jarystyń jeńimpazdary men júldegerlerin quttyqtady.
Jarystyń jalpy júlde qory 80 mıllıon teńgeni qurady. Sporttyń ár túri boıynsha jeńimpaz atanǵan mektepke 20 mıllıon teńgeden aqshalaı syılyq tabys etildi. Bul qarjy mektepterdiń materıaldyq-tehnıkalyq bazasyn nyǵaıtýǵa jumsalady.
Sonymen «Shymkent jastar lıgasynda» shahmat boıynsha Ó.Joldasbekov atyndaǵy №9 IT lıeıdiń komandasy ıelendi. Voleıbol boıynsha birinshi oryndy Ál-Farabı atyndaǵy №113 jalpy mekteptiń komandasy jeńip aldy. Basketbol boıynsha M.H.Dýlatı atyndaǵy mektep-gımanzııasynyń komandasy jarystyń jeńimpazy atandy.
Aıta keteıik, jarysqa Shymkenttegi 151 orta mektepten 6 myńǵa jýyq oqýshy qatysty. Jabylý rásiminiń sońy otandyq estrada juldyzdarynyń qatysýmen ótken konertke ulasty.
"Adyrna" ulttyq portaly
