«Balapan» telearnasy uıymdastyrǵan «BALAPAN ÁLEMI» respýblıkalyq balalarfestıvali elimizdiń birneshe óńirinde ótti.
Festıvalge qoldaý bildirgen Ulytaý oblysy, Abaı oblysy, Mańǵystaý oblysy jáne Qyzylorda oblysynyń ákimdigi áleýmettik jaǵdaıy tómen, kóp balaly otbasydan shyqqan jáne erekshe qajettilikteri bar balalarǵa arnap oıyn-saýyq jáne tanymdy is-sharalar uıymdastyrdy. Festıval barysynda ár óńir tikeleı baılanys arqyly qosylyp, kórermender balalardyń merekeni toılaý sátine kýá boldy.
«Balalar jylyna» oraı ótken festıvalaıasynda Qaraǵandylyq balalar Ult besigi – Ulytaýǵa ekskýrsııaǵa shyǵyp, «Joshy han», «Alasha han» jáne «Dombaýyl» kesenelerin aralap, tarıhı jerler týraly saýatyn keńeıtti. Semeılik jetkinshekter Uly Abaıdyń týǵan jeriAbaı aýdany, Qaraýyl aýylynda ótken HHIII respýblıkalyq Abaı oqýlarynyń oblystyq týrnırine qatysty. Mańǵystaýlyq balalar Kaspıı teńizinde kememen saıahat jasady. Saıahatqa oblystyq otbasylyq úlgidegi balalar aýyly jáne arnaıy mektepterdiń 30 balasy qatysty. Al,Qyzylordanyń bir top ónerpazy Qyzylorda oblysynda ornalasqan «Atameken» balalar aýylynyń balalaryna konert qoıdy.
Esterińizge sala keteıik, búgin «Balalar jyly» sheńberinde Nur-Sultan qalasynda respýblıkalyq balalar festıvali ótti. Merekelik sharaǵa elimizdiń birneshe óńirinen kelgen 800-ge jýyq talantty bala men estrada juldyzdary qatysty. Sonymen qatar, sahnadan tys áleýmettik mańyzy bar is-sharalar ótti. Festıval «Balapan» telearnasynan tikeleı efırde kórsetildi.
