Shyǵys Qazaqstan oblysy Glýbokoe aýdanynda masaıǵan eki muǵalim oqýshylarǵa álimjettik kórsetken, dep habarlaıdy «Adyrna» tilshisi QazAqparatqa silteme jasap.
Glýbokoe aýdany Maloýbınka aýylynda oqýshylar arasynda 5 kúndik dalalyq áskerı oqý-jattyǵý ótken. Mamyr aıynyń 27-si men 31-i aralyǵynda bolǵan oqý-jattyǵýǵa aýdannyń barlyq mektepterindegi 5-10-shy synyptyń 137 oqýshysy qatysty. 23 alǵashqy áskerı daıyndyq pániniń ustazy shaqyryldy. Sondaı-aq dene shynyqtyrý jattyǵýlaryn ótkizý maqsatynda Vınnoe jáne Bobrovka orta mektepteriniń dene shynyqtyrý pániniń ustazdary baǵyttalǵan.
«Dene shynyqtyrý pániniń eki ustazy 11 baladan qurylǵan topqa jetekshilik etti. 30-ynan 31-ine qaraǵan túnde ishimdik ishken qos ustaz balalarǵa álimjettik kórsetken. Oqýshylardyń biri bul týraly qaraýyl basshysyna habarlady», - dep habarlady ShQO Bilim basqarmasynyń baspasóz qyzmeti.
Balalar dáriger tekserisinen ótti. Olardyń densaýlyqtaryna eshqandaı zaqym kelgen joq. Qazir barlyǵy ata-analaryna tabystaldy.
«Atalmysh faktige baılanysty oblystyq bilim basqarmasy, aýdandyq bilim bólimi, quqyq qorǵaý organdarynyń qyzmetkerleri tarapynan arnaıy komıssııa qurylyp, tekserý jumystary bastalyp ketti. Óreskel zańbuzýshylyqqa jol bergen eki azamat aýdandyq polıııa bólimine jetkizildi. Tergeý amaldary júrgizilip jatyr», - delingen málimette.
Sondaı-aq, dalalyq áskerı oqý-jattyǵýyna baǵyttalǵan barlyq alǵashqy áskerı daıarlyq pániniń ustazdaryna qatysty óz mindetterin qajetti deńgeıde atqarmaı, balalardyń qaýipsizdigin qamtamasyz etpegenderi úshin tártiptik shara qoldanylmaq.
