Sport salasyndaǧy lauazymdy tūlǧalar tekseruşıge para bergenı üşın sottaldy. Būl turaly Sybailas jemqorlyqqa qarsy ıs-qimyl agenttıgı mälımdedı, dep habarlaidy «Adyrna» tılşısı.
«2022 jyldyŋ 27 mamyrynda Qyzylorda oblysynda Dene şynyqtyru jäne sport basqarmasynyŋ basşysy Ospanovqa qatysty aiyptau ükımı şyǧyp, oǧan 5 million teŋge kölemınde aiyppūl salyndy. Osy ükımmen Olimpiadalyq rezervtıŋ oblystyq mamandandyrylǧan balalar men jasöspırımder mektebınıŋ 5 direktory Jūmabaev, İlin, Aqbergenov, Seksembaev pen Kikbaev 10-nan 20 million teŋgege deiın türlı aiyppūldarǧa sottaldy»,– delıngen habarlamada.Joǧaryda atalǧan barlyq tūlǧalar oblystyŋ sport mektepterınıŋ qyzmetıne jürgızılgen taldau boiynşa oŋ şeşım şyǧarǧany üşın tekseruşı adamǧa 6,5 million teŋge mölşerınde para beruge oqtalǧany üşın kınälı dep tanyldy. Sottalǧandar ömır boiy memlekettık qyzmette qyzmet atqaru qūqyǧynan aiyryldy. Ükım zaŋdy küşıne engen joq.
«Adyrna» ūlttyq portaly
