Sýrdlımpıada oıyndarynyń júldegerlerine páter berildi

2598
Adyrna.kz Telegram

Brazılııanyń Kashıas-dý-Sýl qalasynda ótken XHIV jazǵy Sýrdlımpıada oıyndaryna Ulttyq qurama sapynda Jambyl oblysynan 13 sportshy qatysyp, 11 medal ıelengen edi. Aımaq basshysy Nurjan Nurjigitov júldegerlermen kezdesip, sportshylarǵa páter sertıfıkattaryn tabystady. Bul týraly oblys ákiminiń baspasóz qyzmeti málimdedi, dep habarlaıdy “Adyrna” ulttyq portaly.

Erkin kúresten 2-oryn ıelengen Ǵabıt Esjanov pen Ǵasyr Turǵynbaıǵa, dzıýdodan 2-oryn alǵan Anna Kramorovaǵa 2 bólmeli páterdiń sertıfıkaty tabystaldy. Al taekvondodan 3-oryn ıelengen Oljas Rysjanovqa, grek-rım kúresinen 3-oryn alǵan Asan Nurjanǵa, dzıýdodan 3-oryn alǵan Ferıde Kara oglyǵa 1 bólmeli páterdiń sertıfıkattary tapsyryldy.

Sondaı-aq dzıýdo, grek-rım, erkin kúresterinen jáne jeńil atletıka men júzýden túrli oryndardan kóringen sportshylar Aıdos Túgelbaev, Evelına Egemberdıeva, Abzal Dosjanov, Shyńǵyshan Áldıbaev, Iana Sıbırıakova, Rýslan Raımbekov, Sofıa Zakýtnaıaǵa estelik syılyqtar berildi.

Sonymen qatar jattyqtyrýshylar Ernazar Qonysbaev (erkin kúresten), Aleksandr An (taekvondo), Rınat Ismaılov (grek-rım kúresi), Askar Ýsýbalıevke (júzý) jáne sportshylarǵa Alǵys hattar men arnaıy sertıfıkattar tabystaldy.

”Adyrna” ulttyq portaly

Pikirler