"İrina Kairatovna" tobynyŋ müşesı men köpşılık Shiza dep tanityn Ashat Jolşiev Almatydaǧy konsert kezınde sahnaǧa Qazaqstannyŋ tuyn alyp şyǧyp, beiädep qylyq körsetken, dep habarlaidy «Adyrna» ūlttyq portaly Stan.kz –ke sılteme jasap.
25 mamyrda Almatydaǧy Baluan Şolaq atyndaǧy sport saraiynda ötken konserttıŋ arty dauǧa ūlasty. Onda Shiza kök tudy qolyna orap alyp, balaǧat sözderın qoldanǧan. Al "İrina Kairatovna" tobynyŋ müşesı Azamat Marklenov belgısız sebeppen külıp, ony qoldaǧandai qylyq körsetken.
Halyq ekı änşını qataŋ synǧa aldy.
"Sahnadan mäŋgı alastatyp jıberu kerek būlardy. Sosyn tynyştalady", "Özın syilaityn ärbır adam mūndai konsertterge barmau kerek", - dep jazdy jelı qoldanuşylary.Sondai-aq, öner jūldyzdary atalǧan ekı änşını jazalaudy talap ettı.
"Kielı kök tuymyzdy myna qasietsız uqalap, qol oramal qyldy- au. Aiaqqa taptap... Genadii Golovkin - ūlty özge bolsa da, ringte ūlttyq şapan kiıp, kök tuymyzdy jelbıretıp, talai közımızge jas keltırıp, jüregımızdı tebırentıp edı! Kök tu- memlekettık rämız! Ony qorlauǧa jol joq! Myna maqūlyq (aspandaǧy jūldyz bolsa da) jauapqa tartyluy kerek! Videomen keşırım sūraǧandar keşırılmesın! Zaŋ boiynşa jazalansyn!" - deidı Meruert Tüsıpbaeva.Aşuǧa mıngen Nūrlan Alban bolsa Shiza-ny aiausyz synǧa alyp, ony “haiuanǧa” teŋedı.
"Menıŋ miyma qan qūiylaiyn dep otyr. Qazaqtyŋ jıgıtterı dep aitady. Qazaq bolmai ket sen. Atsaŋ atyp jıber! Qanşa jūldyz bolsaŋ da, aspannan aiaǧyŋ salbyrap tüsse de, sen adam emes ekensıŋ. Haiuan ekensıŋ. Olardyŋ aitqanyn aituǧa auzym barmaidy. Bız bala tärbielep otyryp, sol balany qaitsek qazaqylandyramyz, qaitsek ūlttyq ruhty sıŋıremız, qaitsek solardyŋ tärbiesımen ainalysamyz dep jatqanda, olardyŋ körsetıp otyrǧan tärbiesı, ülgısı mynau ma?" - dep aşulandy Nūrlan Alban.Ol atalǧan ekı änşını jazalaudy talap ettı.
“Qūzyrly organdardan, joǧary şendı şeneunıkterden, ministrlıkten mynaǧan toqtau salatyn adam bar ma? Mynalardyŋ qūiryǧyn kesıp qūntityp, qūlaǧyn kesıp, ortadan alastau kerek. Tıptı, qolyna mikrofon bermei, sahnaǧa jolatpaityndai jasau kerek. Mynaǧan ne deisız, aǧaiyn? Jauap beretın bıreu bar ma?" – dedı Alban.
«Adyrna» ūlttyq portaly
Ūqsas jaŋalyqtar
