Barşa qazaqstandyqtardy küttırgen futbol oiyny 7 qyrküiekte elordada ötken bolatyn. Matchta tartysty bäsekenı ailap kütken futbol süier qauymmen bırge, oiyndy paidalanyp, "qosymşa aqşa" jasaǧan azamattar bolǧan, dep habarlaidy "Adyrna" tılşısı.
7 qyrküiekte "Astana Arena" stadionynda Finliandiia qūramasyna qarsy Qazaqstan qūramasynyŋ futbol matchy öttı. Esterıŋızge sala keteiık, ūlttyq qūrama finderdıŋ paidasyna 0:1 esebımen jeŋıldı. Alaida, janküierler jeŋılıske ǧana aşuly emes. Futbol köruge kelgen körermender ıs-şarada qosymşa aqşa tauyp ülgergen azamattarǧa da aşulanyp, köŋılı qalǧandaryn aituda.
Qazaqstandyq qūrama üşın Euro-2024 ırıkteu matchynyŋ barlyq biletterı tamyz aiynda tolyq satylyp ketken. Alaida ıs-şaraǧa keluşı ärı turizm salasynyŋ mamany Nūrika Oşaqbaeva Facebook paraqşasynda biletterdıŋ bır bölıgın match aldynda satudy şeşken dilerler öte qymbat baǧamen satqan. Nūrikanyŋ aituynşa, qūny bır jarym-ekı myŋ teŋge bolatyn bilettı şynaiy janküierler ondaǧan ese qymbat baǧaǧa satyp aluǧa mäjbür bolǧan.
Futbol oiynyn tamaşalauǧa kelgenderdıŋ arasynda tegın dünieden aqşa jasaǧandar da anyqtaldy. Kei janküierler äzılkeş, telejurnalist Nūrlan Qoianbaev taratqan tegın tudy satumen ainalysqan. Oiyndy paidalanyp, kök bairaqty 3-4 myŋ teŋgege satqany belgılı boldy. Būl turaly Nūrika Oşaqbaeva özınıŋ älem jelıdegı paraqşasynda bölıstı.
"Ekınşı, stadion aldynda memlekettık tudy 3-4 myŋ teŋgege satyp jatqandardy kördım. Būl jalauşany Nūrlan Qoianbaev futbol federasiiasymen bırlese otyryp, stadionǧa ılu üşın tegın taratqan. Alaida erte kelgen körermender jalaulardy jinap alyp, match bastalar aldynda ony da satty. Aitarǧa sözım joq!" - dedı.
Al Nūrlan Qoianbaev taratylǧan kök tudy arnaiy Türkiiadan, Qytaidan tıktırtıp, stadionnyŋ ädemı boluy üşın oilastyrylǧan ıs ekenın aitady.
"3 ai būryn daiyndaldym. Qazaqstan qūrama komandasy oiyndary küzde bolatynyn bılemın. Kök tulardy satyp alyp tarataiyn degenmın. Qarasam, Qazaqstanda ondai joq eken. Bır dükende 100-ı bar, ekınşı dükende 70-ı bar. 30 myŋ, 20 myŋ joq eken. Şetelden tapsyrys berıp tıktırttık. Jan-jaqtan tıktırttık. Almatydan da, Türkiiadan da, Qytaidan da tıktırttık. Keşe alyp keldık. Zorǧa ülgerdık. 20 myŋ tu tarattyq. Jolymen 50-60 myŋ dollar ketken şyǧar. Qazaqstannyŋ stadiony ädemı bolsyn degen armanym boldy", – deidı Nūrlan Qoianbaev.
Ūqsas jaŋalyqtar
