QR Premer-Ministrı Älihan Smaiylov ortalyq atqaruşy organdar basşylarynyŋ halyqpen kezdesuınıŋ 2022 jylǧa arnalǧan kestesı bekıtılgen QR Ükımetınıŋ Qaulysyna qol qoidy, dep habarlaidy «Adyrna» tılşısı.
Eske sala keteiık, būǧan deiın Memleket basşysy Qasym-Jomart Toqaev Ükımet müşelerıne öŋırlerge baryp esep berudı, qazaqstandyqtardy elımızde jürgızılıp jatqan reformalar turaly habardar etudı, atqaruşy organdardyŋ el tūrǧyndary aldynda esep beruı men jauapkerşılıgın küşeitudı, halyqty memlekettık basqaru prosesıne keŋınen tartudy tapsyrǧan bolatyn.
Atalǧan kezdesuler kezınde ministrler öz salasy boiynşa azamattardy jeke qabyldaidy. Bırınşı kezekte jergılıktı deŋgeide şeşımın tappaǧan jäne vedomstvoaralyq täsılderdı qoldanudy talap etetın problemalyq mäseleler qaralady.
Negızgı jaŋalyq – kezdesudıŋ kemınde 75%-y «sūraq-jauap» formatynda ötedı.
Ministrler kezdesulerdıŋ qorytyndysy men halyqtyŋ problemalyq mäselelerı boiynşa qabyldanǧan şeşımder turaly Ükımette esep beruı tiıs.
Ortalyq memlekettık organdar basşylarynyŋ kezdesu kestesımen tolyǧyraq sılteme arqyly tanysuǧa bolady.
Basqa materialdar
Adyrna.kz ūlttyq portalynyŋ maŋyzdy aqparattaryna jazylu
Soŋǧy jaŋalyqtar turaly habardar bolyŋyz