«AMANAT» partiiasy: jūrtşylyqpen kezdesu elımızdıŋ batysynda jalǧasuda

«AMANAT» partiiasynyŋ Atqaruşy hatşysy Ashat Oralov Batys Qazaqstan oblysynda partiianyŋ sailaualdy baǧdarlamasynyŋ auyldyq eldı mekenderde oryndalu barysyn tekserdı. Al Oralda partiia aktivımen jäne ziialy qauym ökılderımen bırqatar kezdesuler ötkızıp, aldaǧy referendumnyŋ maŋyzyn talqylady. Terektı audany Magistralnoe auylynyŋ tūrǧyndary bırneşe jyldan berı eldı mekenge kırer joldyŋ sapasyna şaǧymdanyp keledı. Būl mäsele partiianyŋ 2021 jylǧa arnalǧan audandyq sailaualdy baǧdarlamasyn ıske asyruǧa arnalǧan Jol kartasyna engızıldı. Alaida  jergılıktı atqaruşy organ osy maqsatqa biudjetten qarajat bölmegen. Jergılıktı tūrǧyndarmen kezdesu barysynda Ashat Oralov partiianyŋ oblystyq filialy mäslihattaǧy «AMANAT» fraksiiasynyŋ deputattarymen bırlesıp, biylǧy biudjettı naqtylau kezınde osy mäselenı şeşuge qarajat böludı qamtamasyz etkenın jetkızdı. Jergılıktı atqaruşy organ ökılderınıŋ mälımetınşe, jyl soŋyna deiın joldyŋ 1,8 şaqyrymy jöndeledı. Būdan soŋ «AMANAT»-tyŋ Atqaruşy hatşysy Terektı auylyndaǧy bır auysymda 200 adam qabyldaityn audandyq emhananyŋ qūrylysymen tanysty. Qazır medisinalyq mekeme ornalasqan ǧimarat 1972 jyly qonaq üi keşenı retınde paidalanuǧa berılgen. «Tūrǧyndardyŋ talap-tılegıne säikes, jaŋa ǧimarattyŋ qūrylysy partiianyŋ sailaualdy baǧdarlamasyna engızılgen. Būl äleumettık maŋyzdy nysan bolǧandyqtan, Mäjılıstegı «AMANAT» fraksiiasynyŋ deputattary men Ükımet müşelerı bırlesıp, qūrylystyŋ merzımı men sapasyn tūraqty baqylauǧa alady. Ol aiaqtalǧannan keiın Terektı audanynyŋ 40 myŋǧa juyq tūrǧyny sapaly medisinalyq qyzmetke qol jetkızedı», - dedı Ashat Oralov. Osy künı Oral qalasynda partiianyŋ Atqaruşy hatşysy Daryndy balalarǧa arnalǧan №8 oblystyq mamandandyrylǧan mektep ūjymymen jäne oquşylardyŋ ata-analarymen kezdestı. 2019 jyly mektep ǧimaraty apatty dep tanylyp, oquşylar №37 orta mektepke auystyrylǧan. Ata-analardyŋ aituynşa, būl jaǧdai qolaisyzdyq tuǧyzyp, oqu prosesıne de kerı äser etıp otyr. Äkımdıktıŋ mälımetı boiynşa, ötken jyly ǧimaratqa kürdelı jöndeu jürgızuge jobalyq-smetalyq qūjattama äzırlengen. Alaida oblystyq biudjettık komissiia ötınımdı qoldamady. Būl mäsele endı partiialyq baqylauda jäne juyq arada şeşımın tabady. Oraldaǧy ziialy qauym ökılderımen kezdesude Atqaruşy hatşy «AMANAT» partiiasy Konstitusiiaǧa engızıletın özgerıster men tolyqtyrulardyŋ maŋyzdylyǧyn tereŋ tüsıne otyryp, aldaǧy referendumdy ötkızudı tolyq qoldaitynyn atap öttı. Kezdesuge qatysuşylar da jalpyhalyqtyq referendum ötkızudı qoldap, aimaq tūrǧyndarynyŋ oǧan belsendı qatysatynyna senım bıldırdı. «Ata Zaŋymyzdyŋ üşten bır bölıgıne özgerıster men tolyqtyrular engızılgelı otyr. Otandastarymyz osy saiasi oqiǧanyŋ män-maŋyzyn tüsınıp, özderınıŋ azamattyq ūstanymyn körsetetınıne senımdımın», - dedı M.Ötemısov atyndaǧy Batys Qazaqstan universitetınıŋ professory Quandyq Mädır. Öz kezegınde partiia ardagerı Nūrziia Sisenbaeva aldaǧy referendum el damuynyŋ jaŋa mümkındıkterıne jol aşatynyn atap öttı. «Bız Prezident Qasym-Jomart Toqaevtyŋ töŋıregınde toptasyp, qoǧam bolyp bırıguımız kerek. Jaŋa Konstitusiia «Jaŋa Qazaqstanǧa» bastaityn özındık jol bolatynyna jäne qazaqstandyqtardyŋ bükılhalyqtyq referendumǧa belsendı qatysatynyna senımdımın», - dedı Nūrziia Sisenbaeva. Sondai-aq, Oral qalasynda «AMANAT» oblystyq aktivınıŋ jinalysy ötıp,  onda partiiany transformasiialau jäne jobalardy tiımdı jüzege asyru mäselelerı talqylandy. Bügınde öŋırde 26 myŋnan astam amanattyqty bırıktıretın 219 bastauyş partiia ūiymy jūmys ısteidı.