Būdan bylai elımızde qoldanylatyn mobildı qosymşalardan qazaq tılınde qyzmet körsetu talap etılmek. Būl turaly Sifrlyq damu, innovasiialar jäne aeroǧaryş önerkäsıbı ministrı Baǧdat Musin mälımdedı, dep habarlaidy "Adyrna" ūlttyq portaly "Ulysmedia.kz"-ke sılteme jasap.
"Būǧan būryn män bermeuşı edık. Tek qana memlekettık organdardyŋ saittaryna, portaldaryna nazar audaryp keldık. Olardy mäjbürlep, qazaq tılıne audarttyq. Bıraq olardyŋ da sapasy tömen ekenın bılemız. Qazır jaqsartyp jatyrmyz. Olarǧa talap qoiyldy, jūmys jürgızılıp jatyr", – dep mälımdedı ministr Aqtöbe oblysynyŋ tūrǧyndarymen kezdesude.Musinnıŋ aituynşa, Facebook syndy jekemenşık servisterden qazaq tılınde jūmys ısteuın talap ete almaidy. Eger qazaq tılınıŋ joqtyǧyna bailanysty servistı elde jauyp tastasa, tūrǧyndar narazy boluy mümkın.
"Būl – naryq. Sondyqtan osy satyda qazır Amerikaǧa barmai-aq qoiaiyq, janymyzdaǧy servister – 2GİS, Iаndeks bolsyn, solarǧa şyǧyp, osyndai talaptardy qoiyp jatyrmyz. "Bızdıŋ ekonomikada jūmys ıstegıŋız kelse, onda qazaq tılın engızesız" degen talap qoiamyz. Sondai ūsynystardy talqylaudamyz", – dedı ministr.
"Adyrna" ūlttyq portaly
