Reseı men Qytaı strategııalyq bombalaýshy ushaqtaryn ushyrdy

485
Foto: cdn.profile.ru
Foto: cdn.profile.ru

Aq úıdiń málimetinshe, Reseı Shyǵys jáne Ońtústik Qytaı teńizderindegi kórshilerimen bolǵan aýmaqtyq daýlarda Qytaıdy qoldaıtyn bolady, dep habarlaıdy "Adyrna" ulttyq portaly "golosameriki.com" saıtyna silteme jasap.

"Reseı men Qytaı strategııalyq bombalaýshy ushaqtarynyń Shyǵys Azııaǵa birlesken reısi eki eldiń baılanystarynyń qanshalyqty jaqyn ekenin kórsetedi", — dedi AQSh ákimshiliginiń joǵary laýazymdy qyzmetkeri.

Reuters agenttiginiń habarlaýynsha, Reseı Qorǵanys mınıstrligi Japonııa men Shyǵys Qytaı teńizderinde Qytaımen birge 13 saǵat boıy jasaǵan aspan patrýldikterin rastady. Patrýlge reseılik strategııalyq bombalaýshy Tý-95 jáne Qytaıdyń Xian N-6 ushaǵy qatysty. Japon jáne Ońtústik Koreıa áýe kúshteriniń ushaqtary ushýdyń bir bóliginde olardyń sońynan erdi.

Reseı men Qytaı strategııalyq avıaııasynyń birlesken múmkindikterin kórsetý AQSh prezıdenti Djo Baıdenniń aımaqqa saparymen tuspa-tus keldi. Seısenbi kúni ol Tokıoda «Tórtjaqty qaýipsizdik dıalogy» aıasynda Japonııa, Avstralııa jáne Úndistan basshylarymen kezdesti, onyń maqsattarynyń biri Qytaıdyń aımaqtaǵy ósip kele jatqan yqpalyna qarsy turý boldy.

Eske salaıyq, bul Baıdenniń prezıdent retinde Azııaǵa jasaǵan alǵashqy sapary bolatyn. Prezıdent Ońtústik Koreıa men Japonııada boldy. Sapar barysynda Aq úı basshysy AQSh óziniń odaqtastarymen jáne seriktesterimen birge erkin jáne ashyq Úndi-Tynyq muhıty aımaǵyn qurýǵa umtylýǵa nıetti ekenin aıtty.

Qytaı men Reseı buǵan deıin strategııalyq bombalaýshy ushaqtardyń birlesken jattyǵýlaryn ótkizgen bolatyn, biraq seısenbi kúngi reıs Reseıdiń 24 aqpanda Ýkraınaǵa basyp kirýinen keıingi alǵashqy reıs boldy.

"Bul Qytaıdyń áli de Reseımen, sonyń ishinde áskerı salada tyǵyz jumys isteýge daıyn ekenin bildiredi, - dep túsindirdi AQSh resmı ókili. — Qytaı Reseıden alshaq jatqan joq. Kerisinshe, bul jattyǵýlar Qytaıdyń Reseıdiń batysta soǵysyp jatqanda shyǵysta ózin qorǵaýǵa kómektesýge daıyn ekenin kórsetedi".

 

  "Adyrna" ulttyq portaly

Pikirler
Redakııa tańdaýy