Dombyra sabaǵy

4966
Adyrna.kz Telegram

Taldyqorǵan qalasyndaǵy Nazarbaev Zııatkerlik mektebinde oqýshylarǵa qazaqtyń ulttyq aspaby dombyra men kúılerdiń shyǵý tarıhyn tanystyrý, oqýshy boıyna mýzykalyq tárbıe qalyptastyrý, ulttyq ónerdi súıe bilýge tárbıeleý maqsatynda «Dombyra-Dastan» sabaǵy uıymdastyryldy.

Atalmysh is-shara «100 kúı» jobasy aıasynda elimizdegi 20 Nazarbaev Zııatkerlik mektepterinde ótti.

Sabaq dombyra úıirmesiniń muǵalimi Muqaǵalı Sansyzbaevtyń «Bógelek» kúıin oryndaýymen bastaldy. Ol oqýshylarǵa kúıdiń shyǵý tarıhy týraly aıtyp berdi. Óz kezeginde NZM dombyra orkestriniń jetekshisi Samat Jeksembaev aqsaq qulan týraly ańyzymen bólisti. Odan ári 11-synyp oqýshysy Aıbol Jeńisnurdyń oryndaýynda «Aqsaq qulan» kúıi usynyldy. 7-synyp oqýshysy Kárıma Maqannyń sanaýly mınýttarda tolǵaýyn, aqsaq qulan týraly ańyzynyń tereńdigin jetkize bilgen sýreti sabaqtyń qyzyqty sátine aınaldy.

Dombyra týraly suraq-jaýap vıktorına formatynda oqýshylar qazaq mýzykasy týraly, ulttyq aspap – dombyranyń jasalýy men qurylymy týraly bilimderin ortaǵa saldy.

 Dombyra saǵatynda bul mýzykalyq aspap ejelden qazaq halqynyń baı rýhanı tarıhy men salt-dástúriniń sımvoly bolǵanyn jáne bolyp qala beretinin taǵy da eske saldy. Sharanyń arqasynda mende dombyra tartýdy úırenýge degen ynta paıda boldy, - dep óz áserimen 7-synyp oqýshysy Anel Ardaqova bólisti.

Jyl saıyn barlyq Nazarbaev Zııatkerlik mektepterinde mekteptiń dástúrine aınalǵan «Uly dala muragerleri» dombyra fleshmobtary ótedi, onda júzdegen daryndy zııatker dombyrashylar qazaqtyń áıgili kúılerin oryndaıdy.

IýNESKO-nyń materıaldyq emes muralar tizimine engen qazaqtyń tól aspaby dombyra men kúılerge arnalǵan dombyra sabaǵy NIS-te oqý jylyn aıaqtady.

 

 

 

 

Pikirler