Moldovanyń eks-prezıdenti Igor Dodon memleketke opasyzdyq jasady degen kúdikpen ustalyp, 72 saǵatqa qamaýǵa alyndy. Bul týraly Bas prokýratýranyń baspasóz hatshysy Marıanna Kerpek málimdedi, dep habarlaıdy «Adyrna» tilshisi.
Qazirgi tańda tergeý tórt bap boıynsha júrgizilip jatyr. Atap aıtsaq, eks-basshy jemqorlyq, saıası partııa úshin qylmystyq uıymnan qarjy alýy, zańsyz baıý jáne memleketke opasyzdyq qylmystyq isteri boıynsha kúdikti dep tanyldy.
«Igor Dodonnyń úıine tintý jumystary júrgizildi. Tergeý amaldary jalǵasyp jatyr»,– dedi Moldova Bas prokýratýrasynyń baspasóz qyzmeti.
Aıta keteıik, burynǵy basshyǵa qatysty qylmystyq is 18 mamyrda qozǵaldy.
«Adyrna» ulttyq portaly
