Qazaqstannyń syrtqy qaryzy ósip barady. Ulttyq banktiń málimetine qaraǵanda, 2022 jyldyń 1 qańtaryndaǵy jaǵdaı boıynsha syrtqy qaryz $165 mlrd-qa jetken, dep habarlaıdy “Adyrna” ulttyq portaly arasha.kz saıtyna silteme jasap.
Máselen, qarjy jáne saqtandyrý salasynyń syrtqy qaryzy 37,5% ósip, $11 mlrd-qa jetse, qurylys salasynyń qaryzy 24,6% ósip, $4,3 mlrd bolǵan.
Al memlekettik basqarý jáne qorǵanys salasynyń syrtqy qaryzy – 14,2% ósip, $15,8 mlrd bolsa, sýmen qamtamasyz etý salasy – 17,5%, ósip, $184 mln-ǵa jetken.
Sondaı-aq, kóterme jáne bólshek saýda salasynyń qaryzy 8,2% ósip, $9,3 mlrd-qa, óńdeý ónerkásip salasynyń qaryzy 8% $12,5 mlrd-qa jetken,
Degenmen syrtqy qaryzdy ótep jatqan salalarda bar. Olar: kólik jáne qoıma salasy, kásibı ǵylymı-tehnıkalyq sala, ákimshilik jáne qosalqy qyzmet salasy, taý-ken salasy. Qazaqstan qaryz alǵan elder qatarynda AQSh, Nıderland, Anglııa bar.
”Adyrna” ulttyq portaly
