Qadaǧalauşy organǧa tūrǧyndar qant  tappai jürgenderın aityp şaǧymdanyp jatqan körınedı. Jemqorlyqqa qarsy ıs- qimyl departamentı sauda nüktelerı men jergılıktı dükenderdı tekseruge kırısken.

"Baǧalarǧa monitoring jasaimyz, qoǧamdyq tamaqtanu oryndary dükender qantty negızsız qymbattatyp jıberdı. Baǧasy körsetılgen, bıraq qant joq söreler tūr. Tıptı 900 den 1300 teŋgege deiın köterılgen", — deidı QR Sybailas jemqorlyqqa qarsy ıs-qimyl agenttıgınıŋ Qaraǧandy oblysy boiynşa departamentı, "Saryarqa - adaldyq alaŋy" jobalyq keŋsesınıŋ jetekşısı Malika Küsenbaeva.

"Oblysqa ai basynan bastap 400 tonna qant önımı kelgen bolatyn jäne kommersiialyq qoimalarda 334 tonnadan astam qant önımı bar. Jäne de SPK stabilizasiialyq qorynda 465 tonnadan astam qant önımı bar. Jäne de tauarlyq intervensiia jürgızılude", — deidı Qaraǧandy oblystyq käsıpkerlık basqarmasy bölım basşysynyŋ mındetın atqaruşy Jūldyz Qūsaiyn.

Qaraǧandy vokzalynyŋ maŋyndaǧy jūrt eŋ köp keletın äleumettık pavilonnyŋ satuşylary künıne segız qap qant satatyndaryn aitady. Supermarketter jelısınıŋ köbınde şeker bıtken. Al käsıpkerlık basqarmasynyŋ mälımetınşe, önım öŋırde jetkılıktı. "Joqşylyqty käsıpkerler qoldan jasap otyr", - deidı.