ŪQŞŪ-nyŋ mereitoilyq sammitınen keiın Memleket basşysy Qasym-Jomart Toqaev Resei Prezidentı Vladimir Putinmen kezdesu ötkızdı. Būl turaly Aqorda jazdy, dep habarlaidy «Adyrna» tılşısı.
Prezidentter kün tärtıbındegı ekıjaqty özektı mäselelerdı, sondai-aq sauda-ekonomikalyq saladaǧy Qazaqstan-Resei yntymaqtastyǧyn talqylady.
– Şyn mänınde, elderımız arasyndaǧy sauda-ekonomikalyq jäne saiasi yqpaldastyqtyŋ qarqyny naşar deuge eş negız joq. Tauar ainalymy 25 milliard dollarǧa jettı. Resei – Qazaqstan üşın sauda-ekonomikalyq saladaǧy basty serıktes. Sol sebeptı, men, Ükımetımızge osy qarqyndy jäne sauda men investisiialar kölemın saqtap qana qoimai, qazırgı geosaiasi jaǧdaidaǧy barlyq qiyndyqtarǧa qaramastan olardy arttyru jönınde mındet jükteimın. Men özımmen bırge osy salaǧa jauapty Premer-ministrdıŋ bırınşı orynbasary bastaǧan Ükımettıŋ negızgı şeneunıkterın ala keldım. Olar tabysty kelıssözder jürgızdı jäne naqty nätijege qol jetkızu üşın olardyŋ aldyna Resei Federasiiasynyŋ Ükımetımen ıskerlık baǧytta jūmys ısteu mındetı qoiyldy, – dedı Qasym-Jomart Toqaev.Qazaqstan Prezidentı bügınde maşina jasau, metallurgiia, himiia önerkäsıbı siiaqty salalarda jalpy qūny 4 milliard dollar bolatyn 20 ırı jobanyŋ ärtürlı satyda jüzege asyrylyp jatqanyn aitty. Resei Prezidentı öz kezegınde ekı el arasyndaǧy sauda-ekonomikalyq yntymaqtastyqty damytudyŋ oŋ qarqynyn atap öttı.
– Jalpy bızde barlyq sala jaqsy damyp keledı. Byltyr tauar ainalymynyŋ ösımı 34 paiyz boldy. Resei kompaniialary Qazaqstan ekonomikasyna 17 milliard dollar investisiia saldy. Bärımızge tüsınıktı ärı belgılı qazırgı qiynşylyqtarǧa qaramastan, jaǧdai jaqsy damuda, – dedı Vladimir Putin.Taraptar kün tärtıbındegı ekıjaqty keşendı ekonomikalyq mäselelerdıŋ bärın biyl küzde Orynborda ötkızuge josparlanǧan Aimaqaralyq forumda talqylauǧa uaǧdalasty. Qasym-Jomart Toqaev Vladimir Putinnıŋ şaqyruy boiynşa biylǧy mausym aiynda Peterburgte ötetın ekonomikalyq forumǧa qatysatynyn naqtylady. Sonymen qatar Qazaqstannyŋ ükımettık delegasiiasy Ekaterinburgte ötetın ırı önerkäsıptık körmege qatysudy josparlap otyr.
«Adyrna» ūlttyq portaly
