Búgin Qazaqstan prezıdenti Qasym-Jomart Toqaev 69 jasqa toldy, dep habarlaıdy «Adyrna» tilshisi.
Ol 1953 jyly 17 mamyrda Almaty qalasynda týǵan. Ákesi – Kemel Toqaıuly Toqaev (1923-1986) Uly Otan soǵysynyń ardageri, belgili jazýshy, qazaq ádebıetiniń detektıvti-shytyrman oqıǵaly janrynyń negizin qalaýshy. Anasy – Turar Shabarbaeva (1931-2000) Almaty shet tilderi pedagogıkalyq ınstıtýtynda qyzmet etken.
Q.K.Toqaev 1975 jyly Máskeý memlekettik halyqaralyq qatynastar ınstıtýt bitirgen. KSRO-nyń Qytaı Halyq Respýblıkasyndaǵy elshiliginde dıplom aldyndaǵy taǵylymdamadan ótken. 1983-1984 jyldar aralyǵynda Beıjiń lıngvıstıka ınstıtýtynda taǵylymdamadan ótti. 1992 jyly Reseı Federaııasy Syrtqy ister mınıstrliginiń Dıplomatııalyq akademııasyn támamdady.
Eńbek jolyn 1975 jyly KSRO-nyń Syrtqy ister mınıstrliginde bastap, Keńes Odaǵynyń Sıngapýr Respýblıkasyndaǵy elshiligine jumysqa joldanǵan.
Halyqaralyq qatynastar máselelerine arnalǵan 10 kitaptyń avtory.
Qazaqstan Respýblıkasynyń jáne shet elderdiń kóptegen memlekettik nagradalarymen, sondaı-aq medaldarmen marapattalǵan.
Salamatty ómir saltyn ustanady. Kórkem shyǵarmalardy, saıası jáne memýarlyq baǵyttaǵy ádebıetterdi oqyǵandy unatady.
Buǵan deıin Berik Ýálı Memleket basshysynyń týǵan kúnin toılamaıtynyn aıtqan edi.
«Prezıdenttiń januıasynda eshkim ataýly kúndi toılamaıdy»,— dedi ol.
