Ekıbastūzda fitnes-jattyqtyruşy esırtkı ötkızumen ainalysqan, – dep habarlaidy «Adyrna» tılşısı Polisia.kz-ke sılteme jasap.
Pavlodar oblysynyŋ jedel qyzmetkerlerı Ekıbastūz qalasynyŋ aumaǧynda sintetikalyq esırtkı zattaryn ötkızumen ainalysqan Pavlodar qalasy tūrǧyndarynyŋ ışınen qylmystyq toptyŋ qūqyqqa qarsy äreketınıŋ jolyn kestı.
– Qolda bar aqparat boiynşa jastardy sportqa degen qūştarlyq pen internet-dükendegı kurer-kepılgerlerdıŋ jūmysy bırıktırdı. Jedel-ızdestıru ıs-şaralaryn jürgızu kezınde Pavlodar qalasynyŋ sport klubtarynyŋ bırınıŋ jattyqtyruşysy ūstaldy, ol özınıŋ avtokölıgımen tyiym salynǧan zattardy ötkızumen ainalysqan. Tekseru nätijesınde, 29 jastaǧy jas jıgıt pen onyŋ 19 jastaǧy serıktesınen 47 gramm gaşiş jäne 52 gramnan astam sintetikalyq esırtkı tabyldy. Küdıktıler jedelhat messendjerın paidalana otyryp, sintetikalyq esırtkı taratqany anyqtaldy, – dedı Pavlodar oblysy Polisiia departamentınıŋ Esırtkı qylmysyna qarsy ıs-qimyl basqarmasynyŋ bastyǧy Mälık Oŋǧarbaev.Atalǧan faktı boiynşa Qazaqstan Respublikasy QK-nıŋ 297-babynyŋ 3-bölımı (Esırtkı, psihotroptyq zattardy, sol tektesterdı ötkızu maqsatynda zaŋsyz daiyndau, qaita öŋdeu, iemdenu, saqtau, tasymaldau, jöneltu ne ötkızu) boiynşa sotqa deiıngı tergeu jürgızılıp jatyr. Ekı aiyptaluşyǧa qatysty sot qamauǧa alu türındegı būltartpau şaralaryn taŋdady.
«Adyrna» ūlttyq portaly
