Ūlttyq muzeidıŋ direktory Arystan Mūhamediūly Qasym-Jomart Toqaevqa ündeu joldady, dep habarlaidy «Adyrna» tılşısı.
Aituynşa, ol eŋbek jolyn qazaqtyŋ körnektı ǧalymy, akademik Ahmet Jūbanov negızın qalaǧan Memlekettık filarmoniiadan bastaǧan.
«Bertın kele «Qazaq äuenderı» Aksionerlık Qoǧamyn qūryp, menedjmentke erekşe den qoidym. Köptegen daryndy jastarmen tanystym. Bırlesıp, keremet entuziazmmen jūmys ıstedık. Toqsanynşy jyldardyŋ soŋyna qarai älemdık muzykalyq mädeniettıŋ barlyq janrlaryn qamtityn, Qazaqstannyŋ Prezidenttık orkestrınıŋ ırgesın qaladym. Maǧan elımızdıŋ eŋ talantty degen ökılderın jinauǧa mümkındık berıldı. Būl jūmysty meilınşe abyroimen atqaruǧa tyrystym. 2006-2007 jyldar - Qazaqstan Respublikasy Mädeniet jäne aqparat vise-ministrı, 2007-2008 jyldary Qazaqstan Respublikasy Prezidentı Äkımşılıgı Işkı saiasat bölımınıŋ bas inspektory qyzmetterın atqardym. Būdan keiın T. Jürgenov atyndaǧy Qazaq ūlttyq öner akademiiasynda rektor bolyp jūmys ıstedım. Önerdıŋ är salasynda adal atqarǧan qyzmetım el basşylyǧy tarapynan eleusız qalmasa kerek, Mädeniet jäne sport ministrı lauazymyna taǧaiyndaldym. 2019 jyldyŋ şıldesınen Sızdıŋ Ökımıŋızben Qazaqstan Respublikasy Ūlttyq muzeiınıŋ direktory bolyp jūmys jasap kelemın»,— dedı būrynǧy Mädeniet jäne sport ministrı.Ündeuınde qoǧam qairatkerı negızgız tekserılıp jatqanyn atap öttı.
«Alystan Alaş dese attanamyn, Qazaqty qazaq dese maqtanamyn. Bolsa da äkem qazaq, şeşem qazaq, Men nege qazaqtyqtan saqtanamyn – dep Mırjaqyp babamyz aitqandai men özımnıŋ bükıl sanaly ömırımdı Qazaq Elınıŋ, ūltymyzdyŋ igılıgıne jūmsap kelemın. Qazaqtyŋ AR - NAMYSY, MAQTANYŞY, QASIRETI – JELTOQSAN desek, Qairat Rysqūlbekov sekıldı onyŋ jaujürek qaharmandary elımızdıŋ keleşegı üşın ömırlerın qidy. Menıŋ de bar armanym sol – Qazaqstannyŋ jarqyn bolaşaǧy! Mūnyŋ bärın men nege baiandap otyrmyn? Qai salada jūmys jasamaiyn, men äuelı ūlt müddesı üşın ter tögıp jürgenımdı aitqym keledı. Memleket biudjetıne qol salǧandarǧa aiausyz tosqauyl jasap kelemın. Ärine, mūndai äreketterım keibır adamdarǧa ūnasyn ba? Keibır adamdar älı künge deiın tırlıkterıme tūzaq qūryp keledı. Osydan bırneşe jyl būryn "Feniks" körkemfilmınıŋ tüsırılımderıne bölıngen qarajattyŋ jymqyrylǧany belgılı. Naqtylap aitqanda, «Feniks» kinojobasy boiynşa biudjet qarjysyn jymqyrdy degen küdık keltırılıp, kinorejisser Talǧat Janybekov qamauǧa alyndy. Oǧan qazaqstandyq belgılı akter ärı prodiuser Tūŋǧyşbai Jamanqūlovtyŋ da tıkelei qatysy bolatyn. "Feniks" filmınıŋ şarty gollivud kompaniiasy "Aldamisa Entertainmentpen" jasalyndy degen söz jalǧan bolyp şyqqan edı. Şyn mänınde, "Kazahfilm" AQ "T.K.TURAN UNIVERSAL BUSSINES" JŞS-pen jäne reseilık OOO "Aldamisa RUS" jasandy kompaniiasymen kelısım jasalyp, biudjetten bölıngen 3 mln.dollar qoldy bolyp kete jazdaǧan. Sol T. Jamanqūlov öz qorǧauşysynyŋ közınşe "Feniks" filmınıŋ öndırısıne bölıngen biudjet qarajatyn jymqyrǧanyn tolyqtai moiyndady. Jamanqūlov qarajattyŋ qolma-qol aqşaǧa ainaldyrylǧan deregın de rastady jäne biudjet qarajatynyŋ jeke maqsattarǧa jūmsalǧanyn aitty. Alaida, atalǧan öner ökılderı türlı aila-şarǧylarymen menı qaralauǧa köşken bolatyn. Prodiusser Tūŋǧyşbai Jamanqūlov aiybyn betıne basqanym üşın, menı ata jauyndai körıp, künı bügınge deiın jön-josyqsyz aryzdanyp keledı. Ärine, «qaharmandar» azuyn körsetuden qaitar emes. Kez-kelgen ılkımdı sättı paidalanyp, Özıŋızdıŋ atyŋyzǧa, basqa da qūrylymdarǧa eş negızı joq şatpaq şaǧymdaryn şarşamai jazyp keledı. Onyŋ tu syrtynda kezınde Dariǧa Nazarbaevanyŋ, Baǧlan Mailybaevtyŋ, Ermek Amanşaevtyŋ tūrǧanyn jäne de solardyŋ aidaǧy ekenı de belgılı. Älbette, qisapsyz tekseru, tergeu amaldary da jürdı. Bıraq, menıŋ ar-ūjdanym taza! Jeke basymdy qaralaǧan bırde-bır fakt däleldenbedı. Keiıngı kezde, endı aryz ielerı muzeide ketken būryŋǧy kınärattardy da maǧan japsyra salǧysy keledı. Osyǧan orai, negızsız tekserulerge tosqauyl boluyŋyzdy sūraimyn!»— dedı ol.
