Qazaqstanda jeŋıldetılgen avtonesie beru bastaldy. Jeŋıldetılgen avtonesie bır adamǧa ekı jyl ışınde ekı ret berılmeidı, dep habarlaidy “Adyrna” ūlttyq portaly QazAqparatqa sılteme jasap.
Jeke avtoparktı jaŋartudy yntalandyru maqsatynda QR azamattaryna jeŋıldıkpen nesie beru boiynşa avtokölık satyp alu, sondai-aq avtobustar parkın jaŋartu üşın «Jasyl Damu» AQ qarajaty esebınen baǧdarlama äzırlendı. Jeŋıldetılgen nesie baǧdarlamasy boiynşa qarjylandyrudyŋ jalpy somasy şamamen 100 mlrd teŋgenı jäne Qazaqstan öŋırlerındegı avtobus parkın jaŋartuǧa şamamen 30 mlrd teŋgenı qūraidy.
İndustriia jäne infraqūrylymdyq damu ministrlıgınıŋ mälımetınşe, halyqqa avtokölıktı nesielendıru kelesı şarttarmen jüzege asyrylady:- syiaqy mölşerlemesı 4%; - nesie somasy 10 000 000 teŋgeden aspauy kerek; - qarjylandyru merzımı 7 jyldan aspaidy; - bastapqy jarna 0%-dan bastap; - kölık qūny 15 000 000 teŋgeden aspaidy. Nesie berudı Ekınşı deŋgeidegı bankter jüzege asyratyn bolady. Qarjylandyrudyŋ aşyqtyǧyn qamtamasyz etu maqsatynda EDB-de tüpkılıktı qaryz aluşyǧa qarjylandyrudy ūsynu merzımderınıŋ saqtaluyn baqylaudyŋ avtomattandyrylǧan jüiesı boluy şart. Sondai-aq bır tüpkılıktı qaryz aluşyny ekı jylda bır retten jiı emes qarjylandyru türındegı şekteuler bar. Lizing aluşylar üşın avtobustardy satyp alu şarttary tömendegıdei bolady: - syiaqy mölşerlemesı 0,01%; - lizing merzımı 7 jylǧa deiın - bastapqy jarna 0% bastap; Jeŋıldetılgen avtonesie türındegı qoldaudan basqa, memleket jeŋıldık sertifikattarynyŋ qoldanylu merzımı mäselelerın şeşu şaralaryn pysyqtauda. Bügıngı taŋda ÖKM operatorynyŋ funksiialary «Jasyl damu» AQ-na beruıne bailanysty osyǧan deiın paidalana almaǧan jeŋıldık sertifikattaryn paidalanuǧa mümkındık beretın tetıkter zerdelenude. Būl sertifikattardy paidalanu jürgızılıp jatqan tekseru äreketterıne bailanysty uaqytşa toqtatyldy. Aita keteiık, būǧan deiın Ükımet jeŋıldetılgen avtonesie baǧdarlamasyn bekıtken bolatyn. Al ötkende aptada QR Ükımet basşysynyŋ bırınşı orynbasary Roman Skliar 16 mamyrda bankter jeŋıldetılgen avtonesiege ötınımdı qabyldaudy bastaitynyn mälımdegen edı.
“Adyrna” ūlttyq portaly
