Qazyǧūrt tūrǧynyn köz aldynda aldap, altyny men aqşasyn tonap ketken özbekstandyq ekı äiel ūstaldy, dep habarlaidy "Adyrna" ūlttyq portaly "Zakon.kz"-ke sılteme jasap.
Qazyǧūrt audandyq polisiia bölımınıŋ 102 pultıne 12 mamyr künı kündızgı uaqytta jergılıktı tūrǧyn şaǧymdanyp, ekı äielge aldanǧanyn, olar gipnoz arqyly köz aldynda altyndaryn jymqyryp ketkenın aityp şaǧymdandy.Egde jastaǧy äieldıŋ aituynşa, onyŋ üiıne özge ūlttaǧy ekı äiel kelgen. "Olar jäbırlenuşıge üiıŋde dua bar, sony tazalap beremız degen jeleumen özderınıŋ tazalau äreketterın jasap, osy aralyqta tūrǧynnyŋ altyn alqasyn, sausaǧyndaǧy altyn saqinasy men 100 myŋ teŋgeden astam aqşasyn aldau jolymen äketıp qalǧan. Olar ketken boida esın jinaǧan äiel bırden polisiiaǧa habarlasyp, alaiaqtardy ūstauǧa kömektesuın sūrady", — delıngen QR IIM baspasöz qyzmetı habarlamasynda.Täjıribelı poliseiler jäbırlenuşınıŋ aitqan belgılerı boiynşa jedel ıske kırısıp, barlyq qajettı şaralardy jasady. Olardyŋ mınıp kelgen kölıgı turaly ülken trassa boiyndaǧy patruldık polisiia qyzmetkerlerıne habarlady. Osylaişa joldardy patruldep jürgen Türkıstan oblysynyŋ patruldık polisiia batalonynyŋ altynşy vzvod qyzmetkerlerı atalǧan küdıktıler mıngen Lada Priora kölıgınıŋ ızıne tüstı. "Jarty saǧattai jürıp, kölıktı tauyp, soŋynan quyp jetıp, toqtatty. Al kölık ışındegı äielder poliseilerdı körgen bette qaşa jönelgen. Poliseiler bırden ärqaisysy är jaqqa qaşqan äielderdı tügelımen ūstady. Atalǧan küdıktı ekı äielden alaiaqtyq jolmen alynǧan altyndar men aqşa aiǧaqty zat retınde alyndy. Patruldık poliseiler kölıkte bolǧan bes äieldı polisiiaǧa jetkızdı. Olardyŋ jeke basyn tekseru kezınde Özbekstan Respublikasynyŋ tūrǧyndary ekendıgı anyqtaldy", — dedı QR IIM baspasöz qyzmetı.Atalǧan jait Qazyǧūrt APB-ǧa QR QK-nıŋ 190-baby (Alaiaqtyq) boiynşa tırkeuge alynyp, sotqa deiıngı tergep-tekseru amaldary jürgızılude. Qazırgı taŋda poliseiler olardyŋ Türkıstan oblysynda oryn alǧan basqa da alaiaqtyq ısterıne qatystylyǧyn tekserude.
"Adyrna" ūlttyq portaly.
