Qazaqstan men Türkiia arasyndaǧy jolauşylar äue tasymaly ekı esege artady. Osy aida ekı eldıŋ aviasiialyq bilıgı äue tasymalyn odan ärmen arttyru men ūşu geografiiasyn keŋeitu boiynşa kelıssözder jürgızedı. Būl turaly İndustriia jäne infraqūrylymdyq damu ministrlıgı mälımdedı, dep habarlaidy “Adyrna” ūlttyq portaly.
İİDM basşysy Qaiyrbek Öskenbaevtyŋ sözınşe, Qazaqstan men Türkiia arasyndaǧy aviasiia salasyndaǧy yntymaqtastyq artyp keledı. Bügınde äue qatynastary boiynşa Ükımetaralyq kelısım negızınde elder arasyndaǧy tūraqty reisterdıŋ jiılıgı boiynşa aptasyna 61 jolauşylar reisı oryndaluda. Atap aitqanda, osy merzım aralyǧynda otandyq Air Astana, Fly Arystan jäne SCAT äue kompaniialary 37 reis oryndasa, türkiialyq Turkish Airlines jäne Pegasus kompaniialary 24 reistı jüzege asyruda. Jolauşylar Stambūl men Ankaraǧa jäne kerı qarai Nūr-Sūltan, Almaty, Aqtau, Aqtöbe, Atyrau, Şymkent jäne Türkıstan qalalary arqyly ūşa alady.
Endı 13 mamyrdan bastap ūşu sany aptasyna 63 reiske artpaq. Säikesınşe, elder arasyndaǧy apta saiynǧy reis sany 124-ke deiın ösetın bolady.
«Biylǧy jyldyŋ 13 mamyrynan bastap Antaliia jäne Bodrum baǧyttarynda qatynaityn Air Astana, SCAT, Turkish Airlines äue kompaniialarynyŋ reis sany bırtındep artatyn bolady. Qosymşa reister Nūr-Sūltan, Almaty, Aqtau, Aqtöbe, Atyrau, Qaraǧandy, Qostanai, Oral, Şymkent jäne Öskemen arqyly ıske asyrylady», – dedı Qaiyrbek Öskenbaev.Mäselen, SCAT Antaliiaǧa aptasyna 29 jaŋa reistı Nūr-Sūltan (aptasyna 7 reis), Almaty (6), Aqtöbe (3), Atyrau (3), Şymkent (2), Qaraǧandy (2), Oral (2), Qostanai (2), Aqtau (1), Öskemen (1) qalalarynan jüzege asyrady. Al Air Astana Nūr-Sūltan jäne Almatydan Antaliia (7 reisten) men Bodrumǧa (2 reisten) aptasyna 18 reis jasamaq. Turkish Airlines Antaliiaǧa aptasyna 16 reistı Nūr-Sūltan (5 reisten), Almaty (4) jäne Qaraǧandydan (3) jäne Bodrumǧa Nūr-Sūltan (2 reisten) men Almatydan (2) oryndaidy. Qaiyrbek Öskenbaevtyŋ aituynşa, biylǧy jyldyŋ mamyr aiynda İndustriia jäne infraqūrylymdyq damu ministrlıgı memleketter arasyndaǧy äue tasymalyn odan ärmen arttyru men ūşu geografiiasyn keŋeitu boiynşa ekı eldıŋ äue bilıgı ökılderımen kelıssöz jürgızu ūsynǧan. Öz kezegınde bastama qoldau tauyp, kelıssözder aǧymdaǧy jyldyŋ şılde aiynda Stambūl qalasynda ötedı. Eske salsaq, COVID-19 pandemiiasyna deiın Qazaqstan men Türkiia arasynda aptasyna 65 äue tasymaly jüzege asyrylǧan.
”Adyrna” ūlttyq portaly
Ūqsas jaŋalyqtar
