Búgin Nur-Sultan qalasynda Halyqaralyq Túrki akademııasynyń uıymdastyrýymen «Dúnıejúzi túrkologtarynyń mereıtoılary: tarıhy jáne qazirgi zaman» atty halyqaralyq onlaın semınar ótti.
Atalǵan is-shara bıyl Kúltegin eskertkishiniń ornatylǵanyna 1290 jyl, sonymen qatar kórnekti túrkolog V.V. Radlovtyń týǵanyna 185 jyl, kóne túrki jazbalarynyń qupııasyn ashýshy, áıgili lıngvıst Vılgelm Tomsen men Orhon eskertkishterin tuńǵysh tapqan zertteýshi, etnograf N.M. Iadrınevtiń týǵanyna 180 jyl tolýyna oraı uıymdastyrylyp otyr.
Onlaın formatta ótken semınarǵa Halyqaralyq Túrki akademııasynyń prezıdenti Darhan Qydyráli, Túrkııanyń kórnekti túrkolog-ǵalymdary Osman Fıkrı Sertkaıa, Ahmet Bıjan Erjılasýn, Ýnıversıtet Vıskonsın-Medıson jáne Nazarbaev Ýnıversıtetiniń professory Iýlaı Shamıloǵly, belgili qyrǵyz túrkology Kadyraly Konkobaev, Ózbekstan Ǵylym Akademııasy Arheologııa ulttyq ortalyǵy dırektorynyń orynbasary Gaıbýlla Babaıarov, Izmır Katıp Chelebı ýnıversıtetiniń professory Shaban Dogan, RǴA Sibir bólimi Mońǵoltaný, býddologııa jáne tıbetologııa ınstıtýtynyń ǵylymı qyzmetkeri Vladımır Tıshın, RǴA Peterbor Shyǵys qoljazbalar ınstıtýtynyń ǵylymı qyzmetkeri Dmıtrıı Rýhlıadev, Katıp Chelebı atyndaǵy ýnıversıteti Túrk ıslam arheologııasy kafedrasynyń oqytýshysy Rınchınhorolyn Mónhtýlga qatysyp, zertteý jumystary boıynsha baıandama jasady.
Alqaly jıyn barysynda Akademııa basshysy Darhan Qydyráli Kúltegin eskertkishi mátinderiniń 14 tildegi ǵylymı aýdarmalary jınaǵyn tanystyrdy. Túrki akademııasy ázirlep shyǵarǵan ǵylymı jınaqta Kúltegin bitiktasy mátinin aǵylshyn, ázerbaıjan, qazaq, koreı, qyrǵyz, majar, monǵol, nemis, orys, tatar, túrik, tyva, qytaı, jáne franýz tilderinde ǵylymı ári kórkem aýdarmalary berilip otyr.
Sonymen birge irgeli eńbekke Kúltegin ǵuryptyq kesheni boıynsha sońǵy kezde jasalǵan sony ǵylymı málimetter, arhıvtik jáne tarıhı qujattar, estampaj úlgileri, búginderi sırek kezdesetin málimetter, fotosýretter, keshenniń syzba jańǵyrtpasy sekildi birqatar maǵlumattar júıelenip engizildi.
Aıta ketý kerek, Túrki akademııasy bıylǵy ataýly mereıtoılar kúntizbesine Kúltegin eskertkishiniń ornatylǵanyna 1290 jyl tolýyn, sondaı-aq kórnekti túrkologtar V.Radlovtyń týǵanyna — 185 jyl, V. Tomsen men N.M. Iadrınevtiń týǵanyna 180 jyl tolýyn atap ótýdi qosqan edi.
Buǵan deıin Halyqaralyq Túrki akademııasy 2020 jyly Tonykók eskertkishiniń 1300 jyldyq mereıtoıyn IýNESKO deńgeıinde atap ótip, halyqaralyq konferenııa ótkizdi. Sonymen qatar, Bilge Tonykók eskertkishi mátininiń 12 tildegi aýdarmasyn jınaq etip jarııalaǵan bolatyn.
"Adyrna" ulttyq portaly
