Äleumettık jelılerde Qazaqstannyŋ EAEO Keden Odaǧynan şyǧu turaly bastama kötergenı jaily taraǧan aqparatqa qatysty QR Sauda jäne integrasiia ministrlıgı pıkır bıldırdı, dep habarlaidy “Adyrna” ūlttyq portaly stopfake.kz-ke sılteme jasap.
Jelıdegı aqparatqa sensek, būǧan «Qazaqstan men Resei arasyndaǧy şeşılmegen kelıspeuşılıkter» sebep bolǧan eken. Alaida ministrlık būl aqparatty joqqa şyǧardy.
«Qazaqstannyŋ jospary» turaly aqparat şyndyqqa janaspaidy», – dep habarlady vedomstvonyŋ baspasöz qyzmetı.Sondai-aq taratylǧan habarlamada Qazaqstan EAEO-dan şyǧudy josparlap otyr dep mälımdegen avtor özınıŋ derekközıne süiengen. Būl – feik aqparattyŋ belgılerınıŋ bırı, öitkenı derekközdı anyqtau jäne ony tekseru mümkın emes. Resmi portaldarda jäne BAQ-ta Qazaqstannyŋ EAEO-dan şyǧu jönındegı josparlary turaly aqparat joq.
“Adyrna” ūlttyq portaly
