Qazaq qyzynyń bııazy tulǵasy hıdjabpen astaspaıdy. Qazir keıbireýler maǵan tas atatyn shyǵar, biraq bul másele meni talaıdan tolǵandyryp júr. Iá, bul kádimgi másele jáne buǵan beı-jaı qaraýǵa bolmaıdy!
Qazaqtyń qyzdary hıdjab kımegen. Shyny osy ǵoı. Qaı kúni eki kishkentaı qyz (7-8 jasta) analarymen birge hıdjab kıip, serýendep júrgenderin kórip birtúrli boldym. Kóńilim túsip ketti.
Eń birinshi sebep: kishkentaı qyzdar eshteńe túsinbeı, oranyp, kózin ǵana ashyq qaldyrýy…
Kóshede ketip bara jatqan adamdar ǵana emes, jalpy áleýmettik jelide tanymal blogerler de hıdjab kııýdi úlgi etip júr…
Namaz oqıtyn keıbir qyzdar bastaryna oramal taǵatyny ras. Olar tek shashtaryn jaýyp júrýge tyrysady. Ony jón kóremin.
Biraq nege hıdjabqa qumarmyz? Ultty ulyqtap, dindi dástúrleımin dese qazaqtyń ulttyq kıimi bar ǵoı. Ádemi taqııasy, beshpeti... Sizdiń oıyńyz qandaı? Meni mazalaıtyn suraq…
