97 jastaǧy soǧys ardagerı Raisa Safonicheva Jeŋıs künın qarttar üiınde qarsy aldy, dep habarlaidy «Adyrna» tılşısı «Habar 24» arnasyna sılteme jasap.
Ǧasyr jasaǧan keiuana maidanǧa 18 jasynda attanǧan. Oq pen ottyŋ ortasynda jürıp, estu qabıletınen aiyryldy. Bıraq qaisarlyǧynyŋ arqasynda özıne jüktelgen bar mındettı abyroimen atqarǧan.
«Jeŋıs künı – būl menıŋ merekem. Osy künge jetu üşın sūm soǧysty kördık. Qinaldyq, jyladyq bıraq jeŋıske jettık. Qalany bombalap jatqanda üiındı astynda qaldym. Sonda qinalyp demalyp jatqanda soǧys änın şyrqai bastadym. Än aitqandy jaqsy körem, soǧys änderın erekşe. Bügıngı beibıtşılıktı baǧalaŋyzdar. Qazırgı jastar sūm soǧysty körmesın. Elde tynyştyq bolsyn dep tıleimın. Mende basqa arman joq»,— deidı ol.Raisa Safonicheva 1925 jyly 10 şıldede Başqūrtstanda düniege kelgen. 1944 jyly 4 nauryzda öz erkımen maidanǧa attandy. Minsk qalasyndaǧy qysqa merzımdı bailanys kursyn aiaqtap, Ekınşı Ukrain maidanyna jıberılgen. Kiev qalasy men Budapeşt maŋyndaǧy şaiqastarǧa qatysyp, Jeŋıs künın sol jerde qarsy aldy. Bügınde ardager elordadaǧy qarttar üiınde tūrady.
«Adyrna» ūlttyq portaly
