Shyǵys Qazaqstanda jantúrshigerlik jol apaty bolyp, alty adam qaza tapty. Bul týraly oblystyq PD málimdedi, dep habarlaıdy «Adyrna» tilshisi.
Qaıǵyly oqıǵa 8 mamyr kúni Jarma aýdany, Shar qalasynyń mańynda Omby–Maıqapshaǵaı respýblıkalyq tasjolynda bolǵan.
«Ssang Yong Actyon» markaly avtokólik júrgizýshisi róldi basqara almaı qalyp, qarsy baǵytta kele jatqan «Vaz-21014» kóligimen betpe-bet soqtyǵysty. Apat saldarynan «Vaz-21014» kóliginiń 33 jastaǵy júrgizýshisi men 5 jolaýshy sol jerde til tartpaı ketti. Al «Ssang Yong Actyon» kóligindegi 35 jastaǵy júrgizýshi men kámeletke tolmaǵan úsh jolaýshy túrli dene jaraqatymen aýrýhanaǵa jetkizildi», – delingen habarlamada.
Qazirgi tańda sotqa deıingi tergeý bastaldy.
«Adyrna» ulttyq portaly
