Ýkraınadaǵy qaqtyǵys, qurǵaqshylyq jáne koronavırýstyq pandemııanyń saldary búkil álemde asharshylyqtyń bolýyna ákelýi múmkin. Bul týraly Germanııanyń ekonomıkalyq yntymaqtastyq jáne damý mınıstri Svenıa Shýle Bild basylymyna bergen suqbatynda aıtty, dep habarlaıdy «Adyrna» tilshisi.
«Dúnıejúzilik azyq-túlik baǵdarlamasyna sáıkes, álemde 300 mıllıon adam ashtyqtan zardap shegedi jáne bul statıstıka kún saıyn ósip otyr. Ókinishti, biraq biz mıllıondaǵan adam qaza bolǵan Ekinshi dúnıejúzilik soǵystan keıingi eń aýyr asharshylyqpen betpe-bet kezdesýimiz múmkin»,– dedi ol.
Buǵan deıin BUU Bas hatshysy Antonıý Gýterrısh Ýkraınadaǵy daǵdarys búkil adamzattyń besten birinen astamyn kedeılik pen ashtyqqa batyrýy múmkin ekenin aıtqan. Onyń paıymdaýynsha, 1,7 mıllıardqa jýyq adam zardap shegýi yqtımal.
Gýterrısh bıdaı men arpanyń álemdik óndirisiniń shamamen 30%-y, júgeriniń besten biri jáne kúnbaǵys maıynyń 50%-dan astamy Ýkraına men Reseıdiń úlesinde ekenin atap ótti. Bul elderden astyqty jer sharynyń nashar damyǵan 45 eli ımporttaıdy.
«Adyrna» ulttyq portaly
