«Evoliusiianyŋ 15 jyly: qūbylmaly dünie jäne bızge özgerıs äkelgen älem» degen taqyrypta Euraziia Media Forumy bastaldy, dep habarlaidy forumnyŋ baspasöz ortalyǧy.
Forumnyŋ alǧaşqy künı saǧat 9:00-19:00-ge deiın 7 avtorlyq şeberlık därısterı josparlanuda.
Şaranyŋ alǧaşqy şeberlık därısın «#Hashtag our stories» kompaniiasynyŋ negızın qalauşy Iýsuf Omar bastady. Därıs taqyryby: «Mobildı jurnalistikadan äleumettık virtualdy şyndyqqa deiın». Ol jaŋa tendensiialar, toqsan toǧyz taraptan şynaiy mälımettı terıp, äp-sätte älemnıŋ kez-kelgen tükpırınen aqparat alu men taratu mümkındıgı turaly baiandady.
Iý.Omardyŋ şeberlık därısıne jinalǧandardyŋ denı köp boldy. Sondai-aq, ol «zamanui multimedia» turaly bılgenımen bölısıp, qatysuşylar sūraqtaryna jauap berdı.
«Jetı milliard adam qazırgı taŋda öz ūialy telefondary arqyly jaŋalyqtar jarşysy bola alady. Aqparattyq tehnologiia damyǧan zamanda dästürlı BAQ-tyŋ atqarar rolı qandai? Menıŋ oiymşa, dästürlı BAQ ökılderı analitika men kontekstke negızdelu kerek. Sonymen qatar, BAQ ökılderı feik jaŋalyq pen aqiqattyŋ ara-jıgın ajyrata bıluı tiıs. Būl qaǧidalar medianaryqtyŋ älemdık ornyn saqtap qaluǧa qyzmet jasaidy», - dedı ol öz sözınde.
Sonymen qatar, täuelsız sarapşy Saiasat Nūrbek mektep baǧdarlamasyna aqparattyq sauattylyqty arttyratyn pänderdı engızudı ūsyndy.
«Qazırgı taŋda aqparatty daiarlau men ony şyǧaru merzımı qysqaryp kettı. Būryn jurnalister üşın aqparat jinau qanşama uaqyt alatyn, olarǧa redaktor tapsyrma beretın. Qazır jarty saǧattyŋ ışınde jeke subektivtı pıkırı men emosiiasyna negızdelgen blogerdıŋ jazǧan aqparatyn bır saǧattyŋ ışınde myŋdaǧan, milliondaǧan adam köredı de, sol pıkırge süienedı. Dästürlı BAQ-tyŋ ışkı öndırısınıŋ özı özgerıp jatyr. Aqparat daiarlau aqparatty tekseru, jalǧan habar degen qazırgı taŋda öte köp. Nege deseŋız emosiiaǧa negızdelgen jalǧan habarǧa senu de oŋai bolyp kettı, sondai-aq jaŋa tehnologiialardyŋ arqasynda tez taralady», - dedı sarapşy.
Şaranyŋ alǧaşqy künınde būdan özge 6 avtorlyq şeberlık sabaqtary josparlanyp otyr.
Jurnalisterge tegın şeberlık därısterın ötkızu Forumnyŋ Äleumettık serıktesı - “Samruk-Kazyna Trust” Äleumettık jobalardy damytu qorynyŋ qoldauymen jüzege asyp otyr.
Forum öz tarihynda 6000 asa şeteldık qatysuşylardy, olardyŋ qatarynda tanymal jurnalister, belgılı saiasatkerler, myqty ekonomister, nobel syilyǧynyŋ laureattary, qoǧam qairatkerlerı, ǧalymdar men käsıpkerlerdı Qazaqstanǧa jinady.
Būl rette, şeteldık spikerler Qazaqstannyŋ älem aldyndaǧy bedelınıŋ kün sanap artyp kele jatqandyǧyn alǧa tartty.
Eske sala keteiık, forum barysynda 300-den asa şeteldık jäne otandyq BAQ ökılderı forum jaŋalyqtaryn şartarapqa taratuda.
Ūqsas jaŋalyqtar
