Qazaqstandyq oqýshy álemniń úzdik 33 ýnıversıtetinen shaqyrtý aldy

4048

BIL túlegi Mıras Seıilhan álemniń úzdik 33 ýnıversıtetinen shaqyrtý aldy. Olardyń arasynda Colgate University, Pace university, London School of Economics, University of Lancaster jáne basqalary bar. Bul týraly @nashi_v_mire paraqshasy jazdy, dep habarlaıdy «Adyrna» tilshisi.

"Bilim-ınnovaııa" lıeıiniń burynǵy prezıdentimin. Kóptegen áleýmettik jobanyń negizin qaladym. Mysaly, BIL press, BIL volunteers. Osyndaı jetistikke jetýime mektebim men muǵalimderim kómektesti»,– deıdi ol.

Áńgime barysynda jas daryn oqýǵa túsýge qalaı daıyndalǵanyn aıtyp berdi.

«Karantın kezinde IELTS jáne SAT synaqtaryna daıyndala bastadym. Kún saıyn aýdıokitaptardy tyńdap, esse jazdym. Nátıjesinde IELTS boıynsha 8.0 jáne Duolingo boıynsha 135/160 ball aldym. IELTS emtıhanyna eki jylǵa jýyq daıyndaldym. Álemniń úzdik ýnıversıtetterine tapsyrý kezinde eskeriletin basty nárse – esse. Óıtkeni ol sizdiń shyn máninde qandaı adam ekenińizdi kórsetedi. 50-ge jýyq ýnıversıtetke ótinish jiberdim. Shyny kerek, esselerdiń mazmuny barlyq jerde birdeı boldy, biraq ýnıversıtettiń ataýy men keıbir málimetterdi ózgerttim. AQSh-ta qabyldaý proesi Qazaqstandaǵydaı emes. Mysaly, bizdiń basty krıterııimiz UBT bolsa, AQSh-ta esse, muǵalimderdiń usynys haty, ortasha ball, synyptan tys jumystar men jetistikter nazarǵa alynady»,– dedi Mıras Seıilhan.

Suqbat sońynda BIL túlegi shetelde oqyǵysy keletin barsha oqýshyǵa aqyl-keńesin berdi.

«Aldyn ala daıyndalyńyz. 9-10 synyp – bastaý úshin tamasha ýaqyt. Eń bastysy – dısıplınany saqtaý. Onsyz demalys jáne karantın kezinde halyqaralyq synaqtarǵa daıyndalý qıyn»,– dep sózin qorytyndylady ol.

«Adyrna» ulttyq portaly

Pikirler
Redakııa tańdaýy