Qasym-Jomart Toqaev turatyn aýylda ınternet joq (Vıdeo)

2985
Adyrna.kz Telegram
Foto: egemen.kz
Foto: egemen.kz

Qazaqstan Prezıdenti Qasym-Jomart Toqaevpen attas 12 jastaǵy bala turatyn Qostanaı oblysy Úshtoǵaı aýylynda áli kúnge deıin uıaly baılanys pen ınternet joq, dep habarlaıdy "Adyrna" ulttyq portaly "Astana" telearnasyna silteme jasap.

12 jastaǵy Qasym-Jomart Toqaev Úshtoǵaı aýylyndaǵy mektepte oqıdy. Balanyń atyn tátesi tańdaǵan. Oqýshy óziniń esimi el Prezıdentimen birdeı ekenine maqtanady.

"Meniń armanym - Qasym-Jomart Toqaevpen kezdesý. Kezdessem, mindetti túrde bizdiń aýylǵa uıaly baılanys pen ınternet júrgizýin suraımyn", - deıdi bala.

Úshtoǵaı mektebinde 50-den asa oqýshy bar. Munda ınternet qoljetimsiz. Muǵalimder uıaly baılanys pen ınternet bolsa, balalardy oqytý isi múldem basqa deńgeıde ótetinine senimdi. Ázirge mektep oqýshylary da, muǵalimder de zamanaýı qosymshalar men jetistikterge qol jetkize almaı otyr.

"Bul máseleni sheshý úshin baılanys júıelerin júrgizýmen aınalysatyn quzyretti organdarǵa júgindik. Jyl aıaǵyna deıin nátıje bolady dep úmittenemiz", - dedi Amangeldi aýdanynyń ákimi Talǵat Qarbozov.

Aýdan bıligi uıaly baılanys máselesi aldaǵy úsh-tórt aıda tolyǵymen sheshiletinine ýáde berdi. Úshtoǵaı jáne Stepnıak aýyldarynda munarany kúzge qaraı ornatýǵa ýáde berip otyr. Qalǵan eldi mekenderde uıaly baılanys pen ınternet kelesi jyly qoljetimdi bolady.

"Adyrna" ulttyq portaly.
Pikirler